Ieremia 36:7 - Te B'aib'ara

⁷ E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 36:7 ပူးပေါင်းရင်းမြစ်များ

2.Uea 22:13

E a bon rangi n un te UEA irou ao kaain Iuta ni kabane, b'a a tia ara bakatibu n aki iri nanon taian tua aika a koreaki i nanon te boki aei. Naako kakaea te b'ai ae E tangiria te UEA b'a ti na karaoia.

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

Ieremia 1:3

ao E teimatoa n taetae nako iu i nanon ana tai n tautaeka natin Iotia are Ieoiakim te mm'aane. Ana kabanea n taetae te UEA nako iu bon n te kanimaua n nam'akaina n ana katebwi ma teuana n ririki Tetekia are natin Iotia te mm'aane n uea. Bon anne naba te tai are a uotaki nako iai kaain Ierutarem b'a taenikai.

Ieremia 16:10

Ane a na titiraki ni kaangai, “E aera ngkai e a kamarakiira Atuara n taiani kabuanib'ai aika a m'aiti? Tera te kaairua ae ti a tia ni karaoia ke ara bure nakoina?”

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 21:5

Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 26:3

Tuangiia Au taeka ae e kaangai:

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Ieremia 37:20

I buutiiko b'a ko na aki kaokai nakon te karabuuti arei are ana auti Ionatan. N na bon mate ngkana ko karaoa anne.”

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 12:3

Ma ngaia are, ngkana e nang roo, ao aio te b'ai ae I tangiria b'a ko na karaoia. Ko booboti am b'ai kaanga ai aron ae ko nang uotaki nako b'a te taenikai. Ao i mwiina, ko na otinako nakon te tabo ae a na ko naa n nooriko iai ao ko na nakonako man te tabo teuana nakon te tabo teuana. B'a tao a na bae n kauringaki aroia ni kakamangao ngkana a matakuakiniko.

Etekiera 13:13

Bon Ierutarem te oo anne. Ao boni Ngai ae te UEA ae te Atua ae I kanakoa te ang ae e korakora, buakani karawa, ao te karau te atiibu b'a e na urua.

Etekiera 20:33

Ngkai I bon maiu Ngai ae te UEA ae te Atua, ao N na bon tautaekaningkami ni baiu ae e korakora. Kam na namakina korakoran uniu

Etekiera 22:20

A na ran nako ni korakoran uniu n ai aron naba te biti ngkana e karanaki n te ai.

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Iona 3:8

Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.