Ieremia 36:31 - Te B'aib'ara

³¹ Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Ieremia 36:31 ပူးပေါင်းရင်းမြစ်များ

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Ieremia 11:8

ngkami ma ami bakatibu. Kam a tia n rawa n ongo, ao kam onea mwiina ni karaoi b'aai aika a tangiri nanomi aika a onrake n te bure. Kam a tia n aki kaawakina te boraraoi are I a tia ni karaoia ma ngkami, ma ngaia ae N na kamarakingkami n taiani maraia ake a reke mai iai.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 23:34

Ngkana iai maibuakomi ae e kaangai, “Aio te rongorongo mai roun te UEA,” ao N na katuaaea ma ana utu nako, e ngae naba ngkana te burabeti ke te ibonga ngkoe.

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 52:2

E aki ongotaeka Tetekia i roun te UEA, n aron naba are e karaoia Ieoiakim,

Etekiera 7:8

N na aki taotaona nanou ma ni katuaaeingkami i bukin m'akuri aika buakaka aika kam a tia ni karaoi. Kam na anganaki ae e bon riai n reke nakoimi.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Nakoaia Ibonga 26:14

E taku te UEA, N na katuaaingkami ngkana kam aki ongotaeka nakon au tua.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!