Ieremia 36:10 - Te B'aib'ara

¹⁰ Ao i mwiina, ngke a bane n ongora aomata, ao e a wareki b'aai ni kabane ake I a tia n taekin B'aruka man te niira ni boki. E karaoa aei i nanon te Tembora, man ana ruu Kemaraia are natin Tiaban te mm'aane, are te tia koroboki n bowi ni kaburebure. E mena ana ruu n te katawanang are ieta i rarikin te tabo n rin nakon Mataroan te Tembora are e Boou.

Ieremia 36:10 ပူးပေါင်းရင်းမြစ်များ

2.Tamuera 20:25

Tewa bon te tia koroboki. Taian ibonga bon Tatoka ao Abiata.

2.Tamuera 8:17

Tatoka are natin Aituba te m'aane, ao Abiata are natin Aimereka te m'aane, boni ngaiia taian ibonga. Ao Teraia bon te tia koroboki.

1.Uea 6:36

E oonaki tinanikun te Tembora n atiibu aika tenrinan ao tenrinan naba kaai aika a ab'ab'aki aika tiira.

2.Uea 15:35

Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

2.Uea 22:3

i mwiin uean Iotia i nanon 18 te ririki, ao e a taetae Iotia nakon Tiaban, are temanna mai buakoia ana aobitia aika a rietaata ni kaangai: Naako nakon ana Tembora te UEA,

Ieremia 26:10

Ao a ongo ana aobitia te uea te b'ai are e riki, ao a m'ananga man te bareti nakon mataroan te Tembora b'a a na riki b'a taani motikitaeka n te kateitei n te bowi.

Ieremia 26:24

I a aki uotaki nako ia aomata b'a N na tiringaki i bukina ngke e tei i buku Aikam are natin Tiaban te mm'aane.

Ieremia 29:3

I anga te reta nakon Erata ao Kemaria, mm'aane ake uoman ake e kanako ia te uea are Tetekia nako Iuta mai B'aburon b'a a na taetae ma Nebukaneta. Ao I korea

Ieremia 35:4

I kairiia nakon te Tembora ao I kairiia ni waerake nakon te ruu are i ieta are aia ruu burabeti ake ana reirei Anan are natin Iketaria mm'aane. E mena i rarikin te ruu are aia ruu mataniwi ake tabeman, ao e mena te ruu anne i aon ana ruu Maateia, are temanna mai buakoia ibonga aika a rietaata n te Tembora.

Ieremia 36:11

Ao e mena ikekei Kemaria are natin Mikaia te mm'aane ao e ongo ana taeka B'aruka ngke e wareka te b'ai are e taekinna te UEA.

Ieremia 36:25

E ngae ngke e butiaki te uea irouia Erenatan, Teraia, ao Kemaria b'a e na aki kabuoka te niira ni boki ma e aki kani kubariia.

Ieremia 36:6

ma ngaia are, ko na onea mwiiu n nako. Ko na taningaa te bong ae e tabu are i mwiina are a na bane n roko iai kaain Iuta n tataro ma n aki am'aam'arake. Ao i mwiina, ko uota te niira ni boki aei nakon te Tembora ni warekia ni kaom'akaa b'anaam.

Ieremia 36:8

Ma ngaia are, e wareka Ana taeka te UEA n te Tembora n aron raoi ake I a tia n tuangnga b'a e na karaoia.

Ieremia 43:3

E na bae n tia n tuangko B'aruka are natin Nearia te mm'aane b'a ko na taekina anne. E tangiria kaain B'aburon b'a a na tauira, b'a a aonga ni uotiira nako B'aburon ke n tiringiira.”

Ieremia 52:25

Ao i mwiina, e katika temanna mai buakoia mataniwiin te taanga ni buaka, itiman mai buakoia ana taan iango te Uea are Tetekia, ao te aobitia are e tararua aron ikotakiia te taanga ni buaka i bukin te buaka. E kuneia naba onongaun riki tautia aika a mena naba i Ierutarem.

Etekiera 40:38

Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.