Ieremia 35:6 - Te B'aib'ara

⁶ Ma a kaeka ni kaangai: Ti a tau! E karaoa te tua ngkoa ara bakatibu n ara kaainga are Ionataba are natin Rekaba te mm'aane ae ti na ira nanona. E taku. “Kam na aki niinima te wain

Ieremia 35:6 ပူးပေါင်းရင်းမြစ်များ

Karikani B'aai 25:27

Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti.

Karikani B'aai 36:7

E kitana ikekei i bukina ngke e aki tau te aba are e maeka iai ma tarina are Iakob'a, a bon rangi ni m'aiti aia nanai ni man n te aro are aki kona ni uaia ni maeka ni bootaki.

2.Uea 10:15

Ao e reitanako kawaina Ieu, ao e noora teuare Ieonataba are natin Rekaba ae e roko ni kawaria. E kamauria Ieu, ao e taku, “Ieonataba, I tei n am itera, ao ngkoe ko tei n au itera ke ko aki?” E kaeka Ieonataba ao e taku, “Eng, I tei naba n am itera. Ngkana ngaia anne, ao kaamai baim.” Ma ngaia are e buokaki Ieonataba iroun Ieu ni katokaa n ana kaanibuaka,

2.Uea 10:23

E rin nako Ieu ma Ieonataba nako nanon te tembora, ao e taku Ieu nakoia aomata, “Taraia raoi b'a bon ti taan taromauria B'aara aika a na mena ikai. Bon akea ae taromauriia te UEA ae e kariaiakaki n rin.”

1.Rongorongo 16:19

N te tai arei ao bon ti tabeman ngaira, ao bon akea mwengara.

1.Rongorongo 2:55

Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.

Taian Areru 105:12

Ti tabeman ngaiia, ngke a mena i Kanaan, ao a iruwa i aona.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Ieremia 35:10

Ti rangi n ongotaeka nakon b'aai ni kabane ake e tuangiira ara bakatibu are Ionataba b'a ti na karaoia.

Ieremia 35:14

man ana kaainga kanoan Rekaba. E tuangiia ana kariki Ionataba b'a a na aki momooi n te wain, ao a ongotaeka iai ni karokoa te bong aei. Ma I aki toki n taetae nako imi, ao kam aki ongotaeka i Rou!

Nakoaia Ibonga 10:9

“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

Tani Motiki-taeka 13:14

E na aki nima te wain ke te biia ke ni kang b'aai aika tabuaki kanakiia n aron akana n ana tua te Atua. I a tia n tuangnga raoi b'aai aika e na karaoi.

Tani Motiki-taeka 13:7

ma e ti tuangai b'a N na bungia natiu te m'aane. N na riai n aki nima te wain ke te biia ke ni kang am'arake aika tabuaki kanakiia n aron ake n ana Tua te Atua. E na riki b'a Ana b'ai te Atua natira te m'aane ni kabane bongin maiuna.