Ieremia 35:4 - Te B'aib'ara

⁴ I kairiia nakon te Tembora ao I kairiia ni waerake nakon te ruu are i ieta are aia ruu burabeti ake ana reirei Anan are natin Iketaria mm'aane. E mena i rarikin te ruu are aia ruu mataniwi ake tabeman, ao e mena te ruu anne i aon ana ruu Maateia, are temanna mai buakoia ibonga aika a rietaata n te Tembora.

Ieremia 35:4 ပူးပေါင်းရင်းမြစ်များ

1.Uea 12:22

Ma e roko ana taeka te Atua iroun Temaia are te burabeti n te tai naba arei.

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

1.Uea 13:26

Ao ngke e ongo te rongorongo te burabeti ae e a kara, ao e a taku, “E na bae n rab'atan te burabeti are mai Iuta. E a bon tia n tuangnga te UEA te b'ai ae e na aki karaoia, ma e aki ongotaeka. Ma ngaia are, E a kanakoa te raian b'a e na tiringnga.”

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 17:24

Ao e taku neierei, “Bon Ana burabeti te Atua ngkoe. I a bon ataia ngkai b'a ko bon taetae mairoun te UEA.”

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

2.Uea 1:9

Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria. E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

2.Uea 12:9

E reke te b'aoki iroun Ieoiata ao e kab'angab'angaa taubukina, ao e katikua i angaatain te baonikarea ike a riirin iai aomata nakon te Tembora. Ngkana iai ae e anga m'ane nakon te Tembora, ao e butim'aia te ibonga are e tei i matan te mataroa ma ni karinna n te b'aoki.

2.Uea 25:18

I mwiina, e a manga katika Teraia are te mataniwi ni ibonga te uea are Nebukaneta, ao n reitaki naba ma Tebania are te kauoman ni mataniwi ni ibonga, ao teniman taiani mataniwi n te Tembora.

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Uea 6:10

Ma ngaia are, e tuangiia tautian Iteraera ake a mena n te tabo arei te uea b'a a na b'aab'aina te tatauraoi.

2.Uea 7:17

E kanakoa ngkoa te mataniwi irouia ana taani kairiiri te uea b'a e na teiakina mataroan te kaawa, ma e mate ngke e toubekaaki irouia aomata ngke a biri n otinako man te kaawa.

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

1.Rongorongo 9:27

A tararua te Tembora n te ngaina ao te bong ao a kakauka mataroana ni katoa ingabong.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Ieremia 21:1

Ao e kananako wetean Batura are natin Marekia ao te ibonga are arana Teb'ania are natin Maateia te mm'aane te Uea are Tetekia. are uean Iuta. Ao i mwiina, e tuangai b'a N na tuangiia ni kaangai, “Ko na taetae ma Ieremia i buku.” Ma ngaia are a roko irou ao a taku,

Ieremia 26:10

Ao a ongo ana aobitia te uea te b'ai are e riki, ao a m'ananga man te bareti nakon mataroan te Tembora b'a a na riki b'a taani motikitaeka n te kateitei n te bowi.

Ieremia 35:3

Ma ngaia are, I nakon Iaatania are te tia kairiri n te kaainga, ao I kaoa ma m'anen ana kaainga ni kabane.

Ieremia 52:24

I mwiina, a katiki Teraia are te mataniwi ni ibonga ma te tia buokia are Teb'ania, ao mataniwiin te Tembora aika teniman i roun Nebutaratan

Etekiera 40:38

Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.

Etekiera 43:8

A katei aia bareti uean Iteraera ni katenaia ma au Tembora ae e tabu n te aro are ti te bo marenaia ma Ngai. Ao i mwiina, a kamatauningaai n aia m'akuri aika a buakaka, ao I kamaunaia ni korakoran uniu.

Te Tua-Kaua 33:1

Bon te burabeti Moote, ao e kakab'aiaia barongan Iteraera i m'aain matena ao e kaangai:

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 3:17

b'a e aonga ni konab'ai ma ni bobonga raoi nakoni karaoani baika raraoi ni kabane ana aomata te Atua.

Iotua 14:6

N te bong teuana ao a roko tabeman aomata man te baronga are Iuta ni kawara Iotua i Kirekara. Temanna mai buakoia, Kareb'a are natin Iebunne are te Kenitaite, e taku nako ia, “Ko ataa Ana taeka te UEA are e taekinna ngkoa i bukim ao i buku i Kateti-b'anea nakon Moote are Ana aomata te UEA?

1.Tamuera 2:27

Ao e roko te burabeti temanna nakon Eri ao e anganna te rongorongo mairoun te UEA: Ngke a tautoronaki ngkoa ami bakatibu iroun uean Aikubita, ao I roko ni kawariia ma ni kaotai nakoia b'a antai Ngai.