Ieremia 35:2 - Te B'aib'ara

² “Ko na nako nakon te kaainga are Rekaba ao ko na kaoiia b'a a na kawarai n te ruu teuana mai buakon ruun tinanikun rarikin te Tembora. Ko na anganiia te wain b'a a na mooi iai.”

Ieremia 35:2 ပူးပေါင်းရင်းမြစ်များ

1.Uea 6:10

A katobibia te Tembora taian ruunib'ai aika kakauoua te miita rietaataia, ao a tomaaki ma te Tembora n taian tatanga aika tiira.

1.Uea 6:8

E mena tamaroan ruunib'ai ake i nano i tinanikun te Tembora, ao ai uana naba ma kaintam'arake nakon ru ake tabeua.

1.Rongorongo 2:55

Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.

1.Rongorongo 23:28

ana m'akuri i bukin te UEA ni buokiia ana kariki Aaron ni m'akuri n te Tembora, ni kaitiaki katawanangin nako te Tembora ao ruun naba te Tembora, ao taan tararuaia naba b'a a na bane ni itiaki b'aai nako aika a kabonganaaki i bukin te taromauri.

1.Rongorongo 28:12

E angan Toromon taamnein katawanangin te Tembora, tamnein taian ruu ni katobibia taian katawanang, ao taamnein naba taian ruunib'ai i bukin kaub'ain te Tembora ao b'aai n tangira ake a tia ni katabuaki b'a ana b'ai te Atua.

1.Rongorongo 9:26

Naake a b'anin raoi aia tei bon kanoan Rewi ao a kairiia taan tei ake te korakina ao tabeia tararuaan ruun nako te Tembora ao b'aai ake a kaawakinaki ikekei.

1.Rongorongo 9:33

Taani kairiri man utuun nako kanoan Rewi ake taani katangitang a boni maeka naba n te Tembora. Bon akea riki tib'angaia teuana, i bukina ngke a tei n te bong ma te ngaina.

2.Rongorongo 3:9

E kabaneaki e raka i aon 570 te kuraem te koora i bukin rabunan bukin taian neera. E kabiraki naba oon taian ruunib'ai aika a uarereke n te koora.

2.Rongorongo 31:11

Ma ngaia are, e anga ana taeka te uea b'a a na karaoaki taian ruunib'ai n te Tembora, ao ngke a tia

Etira 8:29

Kam na kakoaua raoi b'a kam teiakin baikai ni kaawakin ni karokoa kam roko i Ierutarem. Ao i mwiina, kam na taui rawawataia i nanon ana Tembora te Atua i matan te mataniwi ni ibonga, kanoan Rewi, ao atuun utuun nako Iteraera.

Neemia 13:5

Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Ieremia 35:3

Ma ngaia are, I nakon Iaatania are te tia kairiri n te kaainga, ao I kaoa ma m'anen ana kaainga ni kabane.

Ieremia 35:4

I kairiia nakon te Tembora ao I kairiia ni waerake nakon te ruu are i ieta are aia ruu burabeti ake ana reirei Anan are natin Iketaria mm'aane. E mena i rarikin te ruu are aia ruu mataniwi ake tabeman, ao e mena te ruu anne i aon ana ruu Maateia, are temanna mai buakoia ibonga aika a rietaata n te Tembora.

Ieremia 35:8

Ti kakaonimaki nakon taiani kaetieti ni kabane ake e anganiira Ionataba. Ti aki konaa n nima te wain, ao a aki nimma naba buura, ao natira mm'aane, ke natira aine.

Etekiera 40:16

Bon iai winto aika a uarereke n oon taian ruu n tei ake tenua, kaanga ai aron are teuana are n ruun te kawai n rin. A katamaroaaki oon te kawai are e irariki ni bannan taian baam.