Ieremia 35:17 - Te B'aib'ara

¹⁷ Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 35:17 ပူးပေါင်းရင်းမြစ်များ

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Taeka n Rabakau 13:13

Ngkana ko aki butim'aea ana reirei te Atua ao ane ko na kab'aka boona; ngkana ko ongotaeka nakon ana kaetieti nako, ao ane ko na anganaki kaniwangam.

Taeka n Rabakau 16:2

Ti na taku n ara iango b'a ti atai etin b'aai, ma bon te UEA te tia motikitaeka nakon oin bukin rikin baika ti karaoi.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 11:8

ngkami ma ami bakatibu. Kam a tia n rawa n ongo, ao kam onea mwiina ni karaoi b'aai aika a tangiri nanomi aika a onrake n te bure. Kam a tia n aki kaawakina te boraraoi are I a tia ni karaoia ma ngkami, ma ngaia ae N na kamarakingkami n taiani maraia ake a reke mai iai.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 26:5

I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 36:31

Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

I-Rom 10:21

Ma aikai ana taeka, aika ana taeka te UEA i bukiia Iteraera: “I aroarori baiu ni kabongnga nakon te botannaomata ae aki ongeaba irou, ao e katei nako iu.”