Ieremia 34:3 - Te B'aib'ara

³ Ao ko na anaaki b'a te bure ma ni uotaki nakon Nebukaneta, ao e na itaramata ma ngkoe n taetaenikawai. Ao i mwiina, ko na uotaki nako B'aburon.

Ieremia 34:3 ပူးပေါင်းရင်းမြစ်များ

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 27:22

A na uotaki nako B'aburon ao a na tiku ikekei ni karokoa te tai are N na manga m'annanoia iai. Ao i mwiina, N na uoti rikaaki ma ni kaokiia nakon te tabo aei. Bon aei Au taeka Ngai ae te UEA.

Ieremia 32:28

E bon koaua b'a N nang bon kam'anangaa te Uea are Nebukaneta b'a e na taua Ierutarem.

Ieremia 32:3

E a tia n tua Tetekia b'a N na tauaki ikekei i bukin b'aai ni kabane ake I tuangiia aomata ake E taekin te UEA ae a kaangai: Bon te UEA Ngai, ao N nang katokanikaia uean B'aburon i aon Ierutarem.

Ieremia 32:4

E na tauaki te uea are Tetekia ao e na uotaki nakon te Uea are Nebukaneta, are e na i taramata n taetae ma ngaia.

Ieremia 34:21

N na bon anga naba uean Iuta are Tetekia ma ana mataniwi nako ia akana a tangiria n tiringiia. N na anga ngaiia nako ia tautian B'aburon b'a a na manga oki naba ni buakaningkami.

Ieremia 34:4

I berita Tetekia b'a ko na aki mate n tain te buaka.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 38:18

Ma ngkana ko aki taenikai, ao N na karokoa ana taanga ni buaka B'aburon b'a e na taua Ierutarem ma ni kabuokia ni kab'aka, ao ngkoe ko na uotaki nako b'a te taenikai.”

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Etekiera 12:13

E na taakina te karaun te UEA ni kam'anea ngke e tabe ni kiitana Ierutarem. Ao i mwiina, e na uotaki nako te kaawa are e buubura are B'aburon, ma e na aki manga oki n noora te tabo arei, e ngae ngke e na boni mate ikekei.

Etekiera 17:15

Ma e a manga kamangao uean Iuta ae e boou aei nakon B'aburon ao e kanakoia mataniwi nako B'aburon b'a a na anai taian aoti ao taian taanga ni buaka. E na nakoraoi ana iango te uea aei ngkai e urua ana boraraoi n raoi ma B'aburon? Ke e na riai ni katuaaeaki i bukin te b'ai ae e a tia ni karaoia?

Etekiera 17:16

Ngkai bon te UEA Ngai ae te Atua, ao I tuea b'a e na mate uean Iuta i B'aburon, i bukina ngke e urua te boraraoi n raoi ma uean B'aburon, are e bon rineia b'a e na uea.

Etekiera 21:25

E a roko ngkai bongin kabanean katuaaeakimi ikai.