Ieremia 34:20 - Te B'aib'ara

²⁰ A na tiringkami kairiribai aikai ma ni katikui rab'atami n aki akaaka i aon te tano b'a kanaia mannikiba ao maan aika a aki manana.

Ieremia 34:20 ပူးပေါင်းရင်းမြစ်များ

1.Uea 14:11

E na kang rab'ataia am koraki ake a mate n te kaawa, taiani kamea, ao e na kang rab'ataia ake a mate i tinanikun te kaawa taian ikare ake taian kia. Aei bon Au taeka Ngai ae te UEA, ao N na bon aki manga bita nanou.

1.Uea 16:4

Ao ane a na kang rab'ataia am koraki akana a mate n te kaawa taiani kamea, ao a na kang rab'ataia am koraki akana a mate i tinanikun te kaawa taian ikare are te kia.

Taian Areru 79:2

A katikuia am Aomata ake a mate b'a kanaia mannikiba ma maan ni kaakang.

Ieremia 11:21

Ao i mwiina, e taku te UEA: Ieremia, a taku tabeman m'anen Anatota b'a a na tiringko, ngkana ko teimatoa n taetae i buku.

Ieremia 12:9

Ti te bo au aomata ma kaanga te aoki ae e otab'aniniaki ma ni buakanaki irouia taian aoki ake tekorakina. Tuangiia maan aika a aki manana b'a a na roko ni katoka nanoia n am'arake.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 22:25

N anga ngkoe nakon te kairiribai are ko maakua, nakon te Uea are Nebukaneta ma ana taanga ni buaka, ake a tangiria n tiringko.

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Ieremia 39:6

ao e tua b'a e na katuaaeaki. A tiringaki natin Tetekia ake uoman i bon matana, ao ai uana naba ma taani kairiiri man utu n tautaeka mai Iuta.

Ieremia 4:30

Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

Ieremia 44:30

N na anga Uean Aikubita are Obera nako ia akana a tangiria n tiringnga, n arou ngke I anga Tetekia nakon Nebukaneta, are e tangiria naba n tiringnga.

Ieremia 49:37

Ko na kamanatuaaki ao ko na tiringaki irouia aia taanga ni buaka, ao kam na kaitibo ma te kabuanib'ai are e reke man marakin nanou.

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Etekiera 23:28

Boni Ngai ae te UEA ae te Atua ae I tauraoi n anga ngkoe nakoia kairiribai aika a rangi ni buakaka are ko na nooriia b'a a rangi n ribaaki.

Etekiera 29:5

N na karenakoko ma taian ika nako nanon te rereua, ao e na b'aka rab'atam i aon te tano ae e matoatoa. Ko na tiku n aki taunaki, ao a na kana irikon rab'atam maan aika a aki manana ma mannikiba.

Etekiera 32:4

N na karenakoko nako nanon te tawaana ae e mataata, ike a na roko mannikiba ao maan nako ni kana rab'atam.

Te Tua-Kaua 28:26

ao bon akea ae na aki karauia mannikiba ma man aika kawakawa aika aki manana ngkana a kang rab'atami ngkana kam mate.

1.Tamuera 17:44

ao e takaarua ni kaangai, “Nakomai! Ngkana I tia n tiringko, ao I a anganiia mannikiba ma mannikaakang rab'atam b'a kanaia!”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.