Ieremia 34:18 - Te B'aib'ara

¹⁸ Kam bubutiai b'a N na riki b'a te tia kakoaua ngke kam karaoa te boraraoi i bukin kainaomatakiia ami toro. Kam korouaa te kaoteteei nakon uoua m'akoro, ao kam nakonako i marenan m'akorona akanne. Ma kam a tia ngkami aika kaain Ierutarem n urua te boraraoi anne n reitaki ma Au boraraoi ma Iteraera. Ma ngaia are, N na karaoa naba nakoim are kam karaoia nakon te kaoteteei.

Ieremia 34:18 ပူးပေါင်းရင်းမြစ်များ

Karikani B'aai 15:10

Ao e uoti maan aika kawakawa akekei Aberam nakon te Atua. E korouai ni kakauaiterai mai nukaia, ao e kawenei ni kakaitarai iteraia n tatabemaniia nako ni karinaniia raoi, ma e aki korouai taiani mannikiba.

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

I-Rom 2:8

Ao nakoia ake a ukoukori ti oini kab'aiaia, ake a aki ira nanon te koaua, ma a ira nanon te buakaka, e na roko unin te Atua i aoia ao e na rawawata ana moti nakoia.

Te Tua-Kaua 17:2

E anganingkami ami kaawa aika kam na maeka iai te UEA. Ma n te tai teuana rimwi, ao iai tabeman ane a na manga waakina taromauriaia atua riki tabeman, ni karokoa a na bon taromauria naba taai, nam'akaina, ke taian itoi. I a tia ni kauringngkami b'a kam na aki taromauriia atua riki tabeman, b'a ane taromaurii, ao e aki ongotaeka iai nakon te UEA, ao e urua te boraraoi are E a tia te UEA ni karaoia ma ngkami.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Iotua 7:11

E a tia ni bure Iteraera! A tia ni urua Au boraraoi ma ngaiia are I tuangiia b'a a na kawakinna. A tia n anai b'aai tabeua ake a riai ni kamaunaaki ni kabane. A iraei, ao a karaoa te kewe iai ao a kaawakin i buakon aia b'ai.