Ieremia 34:17 - Te B'aib'ara

¹⁷ Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 34:17 ပူးပေါင်းရင်းမြစ်များ

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Ieremia 15:2

Ao i mwiina, a na titiraki b'a a na kanakoaki nakea, ao tuangiia Au taeka Ngai ae te UEA ae e kaangai: Tabeman maibuakomi a na mate n te aoraki ae e kamaamate. Ao tabeman, a na mate n te buaka ke n te baki. Ao nikiraia ana uotaki nako abaia ianena.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 29:17

E taku te UEA ae Moan te M'aaka, ‘N na karokoa te buaka, te baki, ao te aoraki i aoia, ao N na karaoia kaanga te biiku aika a rangi ni mori n te aro are a aki konaa ni kanaki.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 32:25

Ma ngaia are, Ko aera ngkai Ko tuangai b'a N na karekeia taani kakoaua ma ni kabooa te tawaana n au tirewa, ao ngaia bon i aon kawaina n tauaki irouia kaain B'aburon?

Ieremia 32:36

Ieremia, E boni koaua te b'ai are ko taekinna. A a rawaawata Iteraera n te baki ma te aoraki, ao e na bon taua Ierutarem Uean B'aburon are Nebukaneta.

Ieremia 34:8

Ao a tia ni karaoa te boraraoi te Uea are Tetekia ma kaain Ierutarem b'a a na kainaomataia

Ieremia 38:2

Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

I-Karatia 6:7

Kam na tai burebureaki; E aki konaaki ni m'am'anaki te Atua: b'a te bae e unikia te aomata, ao e na manga anaa naba uaana.

Te Tua-Kaua 19:19

ao ko na katuaaeaki n aki manga nanoangaaki. Kam na anganaki te tuua are e na anganaki ngkoa te tia bukinaki ngke arona b'a e reke ni bure, b'a tao koutakin te kanoani mata, te wii, te bai, te wae, ke bon te tiringaki. Kaain Iteraera, bon iai tuaan te bure ni kewe n te bowi. B'a ngkana a noora aroia aomata ake a kewe n te bowi taian aomata, ao ane a na aki manga taekina te kewe n te bowi.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”