Ieremia 33:22 - Te B'aib'ara

²² ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Ieremia 33:22 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Taian Areru 22:30

Ane a na toro i rouna rooro aika na roko; Ane a tataekina te UEA aomata nakon te roro ae nangi roko.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Itaia 48:19

A na kakab'aiaki am botannaomata n anganaki riki ana aomata ae kaanga te uita ao te bike. Ao N na aki manga kariaia b'a e na manga kamaunaaki abami.

Itaia 66:21

N berita nakoia b'a a na riki tabeman mai buakoia b'a taian ibonga ao tabeman b'a taan i buobuoki n au Tembora. Bon aio au taeka Ngai ae te UEA.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Ieremia 31:37

Kam konaa ni baairei taiani karawa? Kam konaa n neweaba kabin te aonnaba? Ao anne bukina irou ngkai e kangaanga b'a N katinanikuia Iteraera n taai nako, e ngae ngkana a a tia ni bure. Bon aei Au taeka Ngai ae te UEA.

Ieremia 33:18

ao a teimatoa n reke ibonga man kanoan Rewi aika a na m'akuri n te baonikarea ao a na anga karea i bukin kakukureiau ao karab'aakiu.

Ieremia 33:23

E taku naba te UEA:

Etekiera 37:10

I mwiin taekinan arei, ao e a uki naba te ang nakon taian rab'ata akekei, ao a manga maiu! A bane n teirake, ao e bon m'aiti aia koraki n te aro are a konaa ni katea te taanga ni buaka ae e korakora.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.