Ieremia 33:15 - Te B'aib'ara

¹⁵ I berita b'a e na roko te bong anne ngkana I rinea te uea man ana utu Tawita, ae te uea ae e na karaoa ae e raoiroi ao e na tautaeka ma te eti.

Ieremia 33:15 ပူးပေါင်းရင်းမြစ်များ

Taian Areru 45:4

Ko na buti ma te mimitong i aoni baom nakon te tokanikai, i bukin te koaua, te nanoanga, ao te eti. A na reke am tokanikai aika ab'ab'aki i bukini korakoram.

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 42:21

E kaakaraoa ae e raoiroi n taai nako te UEA, ai ngaia are e tangira ana Tua b'a e na rangi n neboaki.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 17:25

ao ane e na tautaekanaki n taai nako Ierutarem ma Iuta irouia uea aika man kanoan Tawita. Ane a na rin man mataroan te kaawa aikai te uea ma ana mataniwi i aon taian aoti ke i aon taiani kaanibuaka, ao a na raonaki irouia kaain Iuta ma Ierutarem. Ane a na maeka n taai nako aomata i Ierutarem,

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.