Ieremia 32:35 - Te B'aib'ara

³⁵ Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 32:35 ပူးပေါင်းရင်းမြစ်များ

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 15:26

Ao e aki ongotaeka Nataba nakon te UEA ngke e karaoa naba katotongan ana m'akuri ae e buakaka tamana, are e a tia ni karekeia Iteraera n te bure.

1.Uea 15:30

i bukina ngke e a tia ni kauna UEAN Iteraera ae te Atua Ieroboam ngke e bure are e a karika naba iai Iteraera b'a taani bure.

1.Uea 16:19

E a tia n aki ongeaba Timri nakon te UEA ngke e katotonga Ieroboam, are e karekeia Iteraera n te bure.

1.Uea 21:22

A na kamaunaaki ni kabane am utu, n aron ana utu te uea are Ieroboam ao te uea are Baatia. Ko a tia n rangi ni kauna te UEA n am bure ao ko karekeia Iteraera n te bure.

2.Uea 21:11

E a tia te uea are Manate ni karaoi riki b'aai aika a kam'araa riki nakoia kaain Amora, ao e a tia ni karekeia au Aomata n te bure ngke e kairoroia b'a a na taromauria ana bouananti.

2.Uea 21:4

I nanon te Tembora ike E riai n taromauriaki iai ti te UEA, ao e katea naba iai taiani baonikarean i bukiia antiia beekan,

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 23:15

Ma e bon aki toki ikanne ana m'akuri Iotia. E urua naba te baangota ao te baonikarea ake e kateia Ieroboam are natin Nabata te m'aane are a riki ni bure iai Iteraera. E kabuoka baangotan ao bouan Nei Aatera, ao e kamantinti ni kabubui.

2.Uea 3:3

Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

2.Rongorongo 36:14

Ao a rikirake n aki rangi ni kakaonimaki riki kaain Iuta ao bon taian ibonga naba ake taan kairiiri. A katotoongaia botannaomata ake i rarikiia ni karaoi m'akuri aika a rangi n ribaaki ao a karika ana Tembora te UEA b'a e na aki raoiroi i bukin te taromauri.

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 19:2

nakon te M'arua are Innom, i tinanikun te Kaatiibu ae e Uruaki Ao tuangiia aomata Au taeka aika a kaangai:

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Etekiera 23:37

E a tia n aki kakaonimaki ngke a taromauri taiani bouannanti, ao a tia ni karaoa te bure n tiritiri ngke a karean oin natiia b'a aia angab'ai nakon taian bouannanti.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

M'akuri 7:43

Ao kam tabeka um'ani Moroka n uouotia, ma ana itoi te anti are Reban, ake bouananti ake kam karaoi b'a kam na taromauriia; ao N na kanakoingkami nakon aaba ake i tinanikuni B'aburon.”

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.

Te Tua-Kaua 24:4

Ao ngkai e a tia ni wene ma buuna are ana kauaei, ao e aki riai ni manga okira moan buuna ni mare ma ngaia. E na riki aia mare b'a kam'araean te aba are a tia n anganiira te UEA ae Atuara, ao E na bon rangi n ribaaki iroun te UEA.