Ieremia 32:33 - Te B'aib'ara

³³ A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 32:33 ပူးပေါင်းရင်းမြစ်များ

Iobi 35:11

A aki rairaki nakon te Atua, ae karaoira b'a ti na wanawana riki nako ia manin aonteaba, ma mannikiba aika wanawana.

Ieremia 18:17

N na kamaenakoingkami kaanga bubun aontano ae e ukaki nako n angin mainiku, ngkana a buakaningkami ami kairiribai. Ao i mwiina, N na anga nuukau nako imi i nanon bongin te kabuanib'ai anne.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 26:5

I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Ieremia 35:13

I tangiringkami Ngai ae te UEA ae Moan te M'aaka ae Atuaia Iteraera, b'a kam na karekea reireiami

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 7:28

Ma ngaia ae ko na kaangai nako ia: Kaain Iuta, bon te UEA Ngai ae Atuami, ma kam rawa n ongo taeka i Rou, ma kam aki bitaki ngke I katuaaingkami. Ao ngkai, kam bon aki kani kaota naba te aro ni kakaonimaki nako iu.

Etekiera 23:35

Ko a tia ni katinanikuai raoi, ma ngaia ae, I berita b'a ko na katuaaeaki i bukin b'aai aika a rangi n ribaaki aika ko karaoi ngkai ainen mataawa ngkoe.

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.

Ioane 8:2

Ngke e a tib'a moa n ingabong, ao E a manga oki nakon te Tembora. A bane nakoina aomata, ao Ngaia E tekateka ao E reireiia.