Ieremia 31:8 - Te B'aib'ara

⁸ Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Ieremia 31:8 ပူးပေါင်းရင်းမြစ်များ

Taian Areru 107:3

Ake E kaokiia man taabo nako: mai mainiku ao mai maeao, mai meaang ao mai maiaki.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Ieremia 16:15

Ma n onea mwiin anne, kam na aranai b'a te Atua ae E Maiu are e kamaiungkami mai meang ao man aaba tabeua ake I kairoroingkami iai b'a kam na nako. N te bong teuana N na manga kaokingkami nakon te aba aei are I anganiia ami bakatibu.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 23:8

Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Etekiera 20:34

ao m'aakau, ngkana I boobotingkami man taabo ake kam uamaae nako iai

Etekiera 20:41

Ngkana I kaokingkami man taabo ake kam uamaae nako iai, N na rangi ni kukurei iroumi, n ai aron kukureiu ni boiararan bubun ami karea. A na bane n nooria botannaomata nako n aonnaba b'a I tabu,

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Etekiera 34:13

ma ni kaokiia man aia botannaomata ianena ake a maeka iai. N na riki b'a aia tia kawakin tiibu ao N na kaam'arakeia i aon aia maunga nako Iteraera ao i nanon taiani m'arua ao taawana aika a maiu reirei.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Teb'ania 3:19

E a roko te tai! N na katuaaia taan karawawatako; N na kamaiuia ake a ikoaki ao man kaokiia taenikai nakoni mwengaia. N na onika mamaaia nakon karineaia ao ana neboaki n te aonnaba ni kabane.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Mataio 12:20

E na aki kinika te uteute mani m'aotona, ao E na aki kamatea m'aakaron taboni wiikin te taura ni karokoa ae katokanikaia te kaeti-taeka ae raoiroi.

Ioane 21:15

Ngke a tia n am'arake, ao E titirakina Timon Betero Iesu ni kaangai, “Timon, ae natin Ioane, ko tangirai riki nakoia uaakai?” E taku Timon nakoina, “Te Uea, Ko ataai b'a I tangiriko.” E taku Iesu nakoina, “Kakaam'arakeia au tiibu aika ataei.”

1.I-Korinto 8:10

B'a ngkana ko noraki, ngkoe ae iai am “atatai”, iroun temanna ae mamara mataniwin nanona b'a ko rarikiriki n am'arake i nanon te tabo are e tataromauriaki iai te bouannanti, ao tiaki e na buokaki iai nanona n noram i rouna b'a e na kang am'arake ake karea nakoni bouannanti?

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

Ebera 12:12

Ma ngaia ae kam na karekei angini baimi akana kainikamate, ma waemi akana a mamara bubuaia,

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.