Ieremia 31:6 - Te B'aib'ara

⁶ N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 31:6 ပူးပေါင်းရင်းမြစ်များ

2.Rongorongo 13:4

E tam'arake Abiia nako taubukin te Maunga are Temaraim n taian tabuki ake i Eberaim ao e takaarua ni kaangai: Kam na ongora Ieroboam ma ngkami Iteraera ni kabane!

Etira 1:5

A bane n namakinna aomata b'a e tangiriia te UEA ae te Atua b'a a na buoka manga karaoan ana Tembora, ao a bane ni iangoia b'a a na nako Ierutarem. Mai i buakoia ake a tangiria n oki ni buoka manga katean te Tembora, ao ni manga katea Ierutarem bon taian ibonga, kanoan Rewi, ao taani kairiiri man te baronga are Iuta ao Beniamin.

Taian Areru 84:5

A kab'aia akana reke korakoraia mairoum, Akana e korakora i nanoia te kani m'ananga n nakonako nakon te maunga are Tion.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 62:6

Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Ieremia 50:19

Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

Etekiera 3:17

Etekiera ae natin te aomata, I a tia n rineiko b'a ko na teirake n taratara i bukiia Iteraera. Ma ngaia ae, ko na ongora nakon te b'ai ae I taekinna, ao i mwiina ko na taetae i buku ni kauringiia.

Etekiera 33:2

Etekiera ae natin te aomata, ko na kauringiia am aomata ni kaangai: N na bae ni kanakoa te kairiribai n te bong teuana b'a e na buakana abami. Ao kaanga aongkoa kam rinea temanna b'a e na taratara

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Otea 9:8

Iteraera, e kanakoai te UEA b'a N na tararuaiko. Ma ko kam'aneia ana burabeti nako ao ko kaona ana tembora n te riribai.