Ieremia 31:40 - Te B'aib'ara

⁴⁰ E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Ieremia 31:40 ပူးပေါင်းရင်းမြစ်များ

2.Tamuera 15:23

Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.

2.Uea 11:16

Ma ngaia are, a katikitikia nako mataniwiin te taanga ni buaka nakon te mataroa are a kaakairaki iai taian aoti nako nanon te bareti, ao a tiringnga ikekei.

2.Uea 23:12

Tabeman uean Iuta, ma ai moaraara riki Manate, e a tia ni karaoi taiani baonikarea i nanon oon te Tembora ake uoua, ao n te tabo naba are e karaoia Aati i aon taubukin te bareti. E uruia taiani baonikarea aikai Iotia ao e kamaerikirikii, ao e karenakoi m'akorokoroia i nanon te M'arua are Kiteron, i tinanikun Ierutarem.

2.Uea 23:6

E kaotinakoa te boua are e tabu i bukin taromaurian Nei Aatera te uea are Iotia man te Tembora ao e uotia nakon te M'arua are Kiteron, ike e a kabuokaki iai. E kamantinta mannangina ni karikia b'a te bubu ao e karenakoa i aon ruanimaten te botannaomata ikekei.

2.Rongorongo 23:15

E kataia ni birinako Nei Ataria, ma a raweia mataniwi n te taanga ni buaka ao a tiringnga i rarikin te mataroa ike a kakairaki iai taian aoti nakon te bareti.

Neemia 3:28

A manga karaoa m'akoron te oo are i mwiina tabeman taiani ibonga, A moana aia m'akuri mai meangin te Mataroa are Aoti, ao a karaoi naba taiani m'akoro ake i matan oin aia auti n tatabemaniia nako.

Taian Areru 48:9

Te Atua, ti iangoa am Atataiaomata i nanon am Tembora.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Ieremia 1:10

ao I kanakoko ma te m'aaka ae tab'anin raoi n taetae nako ia botannaomata i buku. Ko na taekinna nako ia kabuanib'aia ao uruaia, ao manga teirakeia ao te manga kateitei.”

Ieremia 18:7

Ngkana I karawawataa te botannaomata ae e buakaka ni koutiia nako ma ni kamaaenikunna,

Ieremia 32:36

Ieremia, E boni koaua te b'ai are ko taekinna. A a rawaawata Iteraera n te baki ma te aoraki, ao e na bon taua Ierutarem Uean B'aburon are Nebukaneta.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Etekiera 37:2

E kaneweabaai te UEA iai, ao I noori taian rii aika a m'au n raea n taabo nako.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Etekiera 48:35

Ao aran te kaawa ae e boou bon “E mena ikai te UEA.”

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Tekaria 14:11

i maiakin Ierutarem, e na onikaki te aba ae b'anin nakon aaba aika a boraoi, ao ti Ierutarem ae e bura i aoia. Ao i mwiina, e na on te kaawa irouia aomata, man te Mataroa are Beniamin, ana Tabo Te Mataroa Nikawai, ana taua Ananera ni m'akoron te kaawa are meaang mainiku i aon te Mataroa are Koona i meaang maeao ao rikaaki nakon ana tabo ni kamanti wain te Uea i maiaki. E na teimatoa ni mano raoi Ierutarem n taai nako ao e na aki manga uruanaki.

Tekaria 14:20

Ao n te tai anne te taeka ae “Ana B'ai Te UEA” e na koreaki nib'aaki i aon taian beero ake a mena irouia taian aoti. Ni koauana raoi, taian b'aata ni kuuka n aki akaaka i Ierutarem a na riki n tabu b'a a na b'ai te UEA ae Moan te M'aaka n ai aron taiani boora ake a kamanenaaki n te baonikarea.

Ioane 18:1

Ngke E a tia n tataro Iesu, ao E nako ma ana reirei n ri aon te karaanga are Kiteron nakon te tabo are e mena iai te ne n aroka, ao E rin iai ma ana reirei.