Ieremia 31:37 - Te B'aib'ara

³⁷ Kam konaa ni baairei taiani karawa? Kam konaa n neweaba kabin te aonnaba? Ao anne bukina irou ngkai e kangaanga b'a N katinanikuia Iteraera n taai nako, e ngae ngkana a a tia ni bure. Bon aei Au taeka Ngai ae te UEA.

Ieremia 31:37 ပူးပေါင်းရင်းမြစ်များ

Iobi 38:18

Ko ataia b'a buburara te aonnaba? Ko na kaekaai ngkana ko ataia

Taian Areru 89:2

I ataia b'a akea tokin am Tangira, ao e nene ni matoatoa am Kakaonimaki n ai aroni karawa.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 40:12

Iai mai roumi ae e baairea te marawa n ti ngaia ke n taakina karawa n oini baina? Ngkoe ae ko kaaki te tano n te aonnaba i nanon te b'aketi ke n taua rawaawatan taian tabuki ao taiani maunga i aon te kainikatine?

Itaia 54:9

I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

Itaia 65:9

I a tia n rineia aomata aika Iteraera ao Iuta, N na kakab'aiaia ma kaain aia baronga. Ana maeka ikai n aaba aika maungaunga. ao ana riki b'a aia b'ai.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.