Ieremia 31:35 - Te B'aib'ara

³⁵ Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Ieremia 31:35 ပူးပေါင်းရင်းမြစ်များ

Iobi 26:12

E kataenikaia taari ni korakorana, ao E tiringa Raaba ni wanawanana.

Iobi 38:33

Ko atai taian tua ake a kaira aron karawa, ao ko kona ni kamanena naba nakon te aonnaba?

Taian Areru 106:9

E taetae nakon Tari are Uraura, ao e a ora naba; Ao E kairiia ana aomata ri nanon Tari i aon te tabo ae m'au.

Taian Areru 119:89

Te UEA, e na teimatoa koauan am Taeka n aki toki; e na teimatoa n aki toki i karawa.

Taian Areru 119:91

A tiku b'aai n aroia ni karokoa te bong aei i bukin am Taeka; B'a a bane b'aai ni m'akuri i bukim.

Taian Areru 148:6

Ao E kakia ni neia b'a a na tiku iai n aki tootoki, ao a aki kona n rawa iai.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:5

A bia teimatoa n toro iroum am Botannaomata n ai aron teimatoan taai ni kaotiota ootana, ao n ai aron naba nam'akaina n angaanga ootana nakon rooro ma rooro.

Taian Areru 74:13

Ko bwenaua taari ni m'aakam; Ao Ko ibei atuia baika maiu aika kakamaaku ake i marawa;

Taian Areru 74:16

Ko karika te ngaina ma te bong; Ko kaaki nam'akaina ma taai ni neia;

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Taian Areru 89:2

I ataia b'a akea tokin am Tangira, ao e nene ni matoatoa am Kakaonimaki n ai aroni karawa.

Itaia 48:2

Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Itaia 51:15

N na buokiia i bukina ngkai bon Atuami Ngai, te UEA ae Moan te M'aaka, are E kabuakaa marawa.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 33:20

I a tia Ngai ae te UEA ni karaoa Au boraraoi ma te ngaina ao te bong, b'a a aonga n rooroko raoi n te tai ae e riai. Kam aki konaa n urua te boraraoi ae I a tia ni karaoia ma ngkami,

Ieremia 33:25

Ieremia, N na bon aki urua Au boraraoi are I karaoia ma te ngaina ao te bong ke ni kariaia karawa ma aonnaba b'a a nang aki ongotaeka nakon Au tua nako.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Ieremia 51:19

Bon te UEA ae Atuaia Iteraera, ae Moan te M'aaka. E karaoi b'aai ni kabane, ao E rinea Iteraera b'a oin ana b'ai.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.