Ieremia 31:32 - Te B'aib'ara

³² E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 31:32 ပူးပေါင်းရင်းမြစ်များ

1.Uea 8:9

B'aai ake a kakawakinaki i nanon te Atiniberita bon baaba ake atiibu aika uoua ake e katikui Moote ikanne ngke E karaoa ana boraraoi te UEA ma aomatan Iteraera i aon te Maunga are Tinai, i mwiin kaotinakoaia mai Aikubita.

Taian Areru 73:23

Ma ae I bon memena naba i rarikim n taai nako, Ao Ko tautaua baiu.

Taian Areru 78:37

Akea nanoia nakoina; A aki kakaonimaki nakon aia boraraoi ma Ngaia.

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Ana Anene Toromon 8:5

Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Ieremia 22:9

Ao ane a na kaeka tabem'aang ni kaangai, “I bukina ngke a taromauriia antiia ianena aomata ma n urua aia boraraoi ma te UEA ae Atuaia are e a tia ni karaoia ngkoa ma ngaiia.”

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 31:1

E taku te UEA: Iteraera, I berita b'a n te bong teuana a na manga moan riki naba ami baronga nako b'a Au aomata, ao Ngai N na riki b'a Atuami.

Ieremia 34:13

Bon Atuaia Iteraera Ngai: I karaoa ngkoa te boraraoi ma ami bakatibu ngke I kaotinako ia mai Aikubita, ike a tia n tautoronaki iai.

Ieremia 34:14

Ao e taekinaki ni m'akoron te boraraoi anne b'a kam na riai ni kainaomataia tooro aika kaain Ebera i mwiin onoua aia ririki ni m'akuri iroumi. Ma a aki kan kubarai ke n ongo n te b'ai are I taekinna ami bakatibu.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Etekiera 20:37

N na kairoroingkami n tatabemaningkami b'a kam na iri taiani kainibaaire n ara booraraoi ae e matoa.

Etekiera 23:4

Aran are te ikawai bon Nei Oora, are e bon tei i bukin Tamaria; ao are te ataei arana bon Nei Oorib'a, are e tei i bukin Ierutarem. A manga riki b'a buu ao a bungia natiu.

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Otea 3:1

Ao E a manga taetae riki te UEA nako iu. Ao e taku nako iu n te tai aei, “Otea, ko na tangira ma te aine ae e aki kakaonimaki ae iai ana tangira. Ko na karaoa aei ni kaotia b'a I tangiriia Iteraera, e ngae ngke a tia n taromauri taian bouananti ao a kukurei ni karean taiani keeke aika a karaoi man taiani uaa ni kai.”

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

M'akuri 23:19

E taua bain te roronga arei aia mataniwi tautia, ao e kairia nako ni kaokoroia n ti ngaiia, ao e a titirakinna ngkanne ni kaangai, “Tera am taeka ane ko na tuangai?”

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 29:1

Ma ngaia are, e a kabanea ana taetae Moote i bukin tuangakiia aomata te b'ai ae a riai ni karaoia i bukin kaawakinan te boraraoi ma te UEA are E karaoia nakoia i Moaaba, are bon raon are E a tia ni karaoia te UEA n te Maunga are Tinai.

Te Tua-Kaua 29:24

Ao ane a na titiraki aomatan botannaomata tabeua ni kaangai, E aera ngkai E kamaunaa te aba aei te UEA? Tera ae E a rangi n un iai?

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 31:20

I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.

Te Tua-Kaua 5:2

E karaoa ana Boraraoi te UEA ma ara botannaomata n te Maunga are Tinai.

Te Tua-Kaua 5:3

Bon tiaki ti te boraraoi ma ara bakatibu ma bon i bukira naba, ngaira aikai n te bong aei.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.