Ieremia 31:28 - Te B'aib'ara

²⁸ Ni boong ake ngkoa, I baairea kouwaakaeaia, ma kab'akaia, ma uruanan aroia. Ma ngkana e roko te bong anne, ao N na manga baairea aron unikaia ao buokaia b'a a na rikirake.

Ieremia 31:28 ပူးပေါင်းရင်းမြစ်များ

Iobi 29:2

“Ai tera ngke I kona ni manga okiri au bong ake ngkoa, ake taai ake E tararuaai iai te Atua.

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 147:2

E a kaokaki Ierutarem nakon arona are rimoa iroun te UEA; E a kaokiia ake a tia n riki b'a taenikai.

Taian Areru 69:35

B'a E nang kamaiua Ierutarem, Ao E na manga katei kawan nako Iuta. A na maeka ana Aomata ikekei ao a na abana te aba;

Ieremia 1:10

ao I kanakoko ma te m'aaka ae tab'anin raoi n taetae nako ia botannaomata i buku. Ko na taekinna nako ia kabuanib'aia ao uruaia, ao manga teirakeia ao te manga kateitei.”

Ieremia 1:12

Ao e taku te UEA, “E eti anne. I moantaai ni kakoroa nanon au berita.”

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Ieremia 32:42

E ngae ngke I a tia ni karokoa te kabuanib'ai i aoia aomata, ma n te bong teuana N na karaoi b'aai ni kabane aika a raoiroi i bukiia.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

Etekiera 19:12

Ma I katikia rikaaki ni marakin nanou mai wakaana ao e karenakoa i aontano, ike e a m'autakataka uaana angin te rereua ae e kabuebue. A kui m'aangana ake a korakora ao a bue.

Etekiera 36:10

A na oki Iteraera ma ni manga katea ami kaawa aika a urubekebeke ma ni maeka iai.

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Tekaria 8:14

Ngkana a kaunai ami bakatibu, I iangoia b'a N na katuaaia n taiani kabuanib'ai, ao I aki manga bita nanou.

Tekaria 8:15

Ngkai kam aki manga riai ni maaku. I a tia ni iangoia b'a N na akoa Ierutarem ma Iuta.

M'akuri 15:16

“I mwini baikai ao N na oki, ao N na manga katea batan Tawita are b'aka; N na manga karaoia man uruakina, ao N na manga kateia rake.

Te Tua-Kaua 30:9

ao ane E na kakab'aiaingkami ma n anganingkami natimi aika a rawata, ami nanai n tiibu, ao nanai ni kao, ao arokami taiani uita ma b'aare aika a m'aiti uaaia. E na rangi ni kukurei te UEA ni karaoi m'akuri aika a raoiroi nakoimi, n aron are E karaoia naba ngkoa nakoia ami bakatibu.