Ieremia 31:18 - Te B'aib'ara

¹⁸ A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 31:18 ပူးပေါင်းရင်းမြစ်များ

Iobi 5:17

E na kukurei te aomata ae kaetaki arona i roun te Atua! Tai kauna nanom ngkana E boaiko.

Taian Areru 118:18

E a tia ni karaoa ae N na rangi ni karawaawataaki iai, Ma E aki anga ngai nakon te mate.

Taian Areru 119:67

I m'ain are Ko karawawataai, ao I aki toki ni bure; Ma ngkai I ongeaba nakon am Tua.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 31:15

E mena iroum mwiokoni maiu; Kamaiuai mairouia taan ribaai, ake taani b'ainikirinai.

Taian Areru 32:9

Tai nanobaba n ai aron te aoti ke te miure ake a tangira kairakiia mani kabaean ubuia b'a a aonga n ongeaba.

Taian Areru 80:19

Te Atua are Moan te M'aaka, Ko na kaoka kab'aiara nakoira. Kaota am Nanoanga nakoira, ao ti na kamaiuaki iai.

Taian Areru 80:3

Te Atua, Ko na kaoka kab'aiara nakoira! Kaota am Nanoanga nakoira, ao ti na kamaiuaki iai.

Taian Areru 80:7

Te Atua are Moan te M'aaka, Ko na kaoka kab'aiara nakoira; Kaota nakoira am Nanoanga, ao ti na kamaiuaki iai!

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Taian Areru 94:12

Te UEA, ai kab'aia ra te aomata ane Ko reireinna, Ane Ko reireinna taekan am Tua!

Taeka n Rabakau 26:3

A na riai n oreaki ao ni bweenaki te aoti ma te aati, ao ai uana naba ma taian nanobaba

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Taeka n Rabakau 3:11

Natiu, ko na aki rairaki nako ke ni karikiko b'a baika a maai ngkana e boaiko te UEA.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 51:20

E a un te UEA ae Atuam, ao a na wene n aki konab'ai natim ni koonan kawain nuukan te kaawa ni kabane, kaanga te ria ae m'ane n te karaun.

Itaia 53:7

E rangi ni kabuakakaaki, ma e bon aki ngurengure. E aki kakarongoa kaanga te tiibuteteei ae e kairaki nakon te tia tiringa te tiibu ao e aki tangitang ngkana e koroburaeaki.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Ieremia 17:14

Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

B'aeb'aeti 5:21

Ko na kaokiira nakoim te UEA! Ko na kaokiira! Manga kaoki kakannatora ake ngkoa.

Etekiera 20:43

Ao i mwiina, kam na uring ami bure aika a buakaka, ao kam na ribaingkami i bon iroumi i bukin karaoan b'aai aika a buakaka. A karaoingkami b'a kam na aki butim'aeaki irou,

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Otea 10:11

Ngkai Ko a tia n ongotaeka ngkoa kaanga te kao te ataei are e kukurei ni manga kaaki kunin te uita. Ma N na kaaki te b'ai n toka i aon roroam ae e korakora; ao ko na kaai ni kamaraua te tano ngkoe ma Iuta ma n unika te tano.

Otea 4:16

Bon akea uaam n ai aron te kao ae e taningabono ko rangi n taningabono n te aro are I aki konaa Ngai ae te UEA, ni kaam'arakeko kaanga taian tiibu ataei i nanon te tabo n uteute ae e tangaina.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Maraki 4:6

E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Warekaia Iteraera 2:18

Ao te baronga are Eberaim, e na katei auti n rianna i maeaon te Um'antabunrianna i aan aia buraeki n ikotaki ma baronga ake a m'aati ma ngaiia.

Ruka 1:17

ao ane e na ri moan te Uea ma te nano ae korakora ao ae m'aaka n ai aron are iroun te burabeti are Eria, b'a e na kaoki aroia n reitaki ae tamaroa kaaro nakoia naati, ao ake a aki ongeaba nakoni wanawanaia aomata ake a raoiroi. Ane e na buoki nanoia aomata b'a a aonga n tauraoi i bukin te Uea.”

Ruka 15:20

Ao e tei rake, ao e nako n tamana. Ao ngke e mena i kiraroa, ao e noria tamana, ao e nanoangaia, ao e biri, ao e rab'atia, n inga nako ina.

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

Ebera 12:5

Kam a tia ni m'aninga te taeka ni kaunga nano nako imi ngkai naati ngkami, are e kangai: “Natiu, ko na m'annanoa reireiam iroun te Uea i bukini kaetan arom; Ao e na tai toki nanom ngkana ko boaaki i Rouna.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.