Ieremia 31:16 - Te B'aib'ara

¹⁶ Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Ieremia 31:16 ပူးပေါင်းရင်းမြစ်များ

Karikani B'aai 43:31

Ao e a manga otinako ngke e a tia ni kakaoi ranni matana, ngke e a bon toki nanona n tang, ao e a kanakoa ana taeka b'a a nang uotaki taian am'arake nakoia.

Karikani B'aai 45:1

Ao Ioteb'a e a aki kona n taotaona nanona ni karaba mairouia tarina, ma ngaia are, e a tuangiia aomata ni kabane b'a a na kitana te ru, ao ngke ai bon akea aomata, ao e a tuangiia tarina b'a antai ngaia.

2.Rongorongo 15:7

Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

Taian Areru 126:5

A na tai ma te kakatonga te koraki ake, a ununiki ma te tang!

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:7

N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”