Ieremia 31:12 - Te B'aib'ara

¹² A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Ieremia 31:12 ပူးပေါင်းရင်းမြစ်များ

Taian Areru 130:4

Ma Ko kab'ara ara bure, ma ngaia ae ti na taromauriko.

Itaia 1:30

Kam na riki b'a kaanga te buakonikai ae e uarereke ae e mate n te rongo.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 52:8

Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 60:20

E na aki manga bung ami taai ke ni bung ami nam'akaina. N na riki Ngai ae te UEA b'a ami oota ae akea tokina, ao a na toki ami bong n nanokawaki.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 31:24

A na maeka aomata i Ierutarem ao ni kaawan nako Iuta. A na riki tabeman b'a taan ununiki ao tabeman a na riki b'a taani kaawakin tiibu.

Ieremia 31:25

A na manga reke maiuia ma korakoraia koraki akana a kua ma ni kainano,

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 31:7

E taku te UEA: Karaoa ami bootaki ni kukurei ao anene i bukin Iteraera, te botannaomata ae te kabanea ni korakora. Anga ami nebonebo ao takaarua, “Nakomai, Kamaiuia Am aomata, te UEA! Kamaiuia nikiraia Iteraera.”

Ieremia 32:15

E a tia n taekinna te UEA ae Moan te M'aaka, ae Atuaia Iteraera, b'a a na manga kabooi taian auti, tawaana, nne n aroka ni kureebe man te aba aei.”

Ieremia 33:12

E taku ana taeka te UEA ae Moan te M'aaka, “N te aba aei are kaanga ai aron te rereua ao akea aomata ma maan ni maiu iai ngkoa, a na manga reke iai taabo n uteute ike a na kairiia aia tiibu taani kaawakintiibu nako iai.

Ieremia 33:13

Ni kaawan aaba ake a tabukibuki, aaba ake a rinano, ao Iuta Maiaki, i abaia kaain Beniamin, ni kaawa ake i rarikin Ierutarem, ao ni kaawan nako Iuta, a na manga warewareki aia tiibu taani kaawakintiibu. Bon aei au taeka Ngai ae te UEA.”

Etekiera 17:23

i aon maungan Iteraera are te kabanea n rietaata. E na kariki m'aangana ma ni kariki koraana ao e na riki b'a te tiira ae te kabanea ni kakannato. A na bane ni maeka iai mannikiba n aekaia nako ma ni karekea katanaia i aan nuuna.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 34:14

A na manoraoi ngkana a am'arake n taabo ni uteute aika a maiu reirei ao tabuki aika a mawaawa.

Etekiera 36:30

A na onrake arokami n taiani uaa, ao a na rikirake taiani uita n ami tawaana nako, n te aro are kam na aki manga mamaa i bukin aki taun kanami.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Tekaria 8:12

Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”