Ieremia 31:11 - Te B'aib'ara

¹¹ N na kamaiuia mairouia aia kairiribai ake a na konaa ni kab'akaia.

Ieremia 31:11 ပူးပေါင်းရင်းမြစ်များ

Taian Areru 142:6

Ko na ongo b'anaau ni kani buokaki, b'a e korakora kainanou; Kamaiuai mairouia taan ribaai; a rangi ni korakora riki nako iu.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:24

Bon akea kangaangan kamaiuan temanna mai roun temanna ae e korakora ae e iowawaa?

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Ieremia 15:21

ngkana a buakaniko. Bon aei au taeka Ngai ae te UEA.

Ieremia 50:33

Kam iowawa ngkami aika kaain B'aburon nakon Iteraera ao Iuta. Kam anaia b'a ami bure, ao ngkai kam a manga rawa ni kanako ia.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

B'aeb'aeti 3:58

Ko buutai man te kaangaanga ao Ko kamaiuai.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.

Mataio 12:29

Ao e na iranna te aomata n rin n ana auti temanna ae aintoa n anai ana b'ai ngkana e aki kabaea moa teuare aintoa? Ao ngkana e a tia, ao e a kona ngkanne n anai ana b'ai ake n ana auti.

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 22:29

Ao E kaekaia Iesu ni kangai: Kam kairua! I bukina b'a kam aki ata kanoan te B'aib'ara, ke m'aakan te Atua.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.