Ieremia 30:18 - Te B'aib'ara

¹⁸ E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:18 ပူးပေါင်းရင်းမြစ်များ

1.Rongorongo 29:1

E taku Tawita nako ia aomata: E rinea natiu te m'aane are Toromon te Atua b'a e na katea te Tembora, ma e uarereke Toromon ao e tuai rabakau ni kateitei. Tiaki te auti n aki akaaka te auti aei b'a bon ana Tembora te UEA ae te Atua!

1.Rongorongo 29:19

Angan Toromon te nano ni kan ongotaeka nakon am tua ma am reirei ma nanona ni koaua, ao tangiran kan karaoan te Tembora ake I a tia ni katauraoi b'aintangira aikai i bukina.

Neemia 7:4

E ngae ngke e rangi ni korakora aban Ierutarem, ma a karako aomata ake a maeka ikekei, ao akea naba taian auti aika a boou aika a tia ni kateaki.

Taian Areru 102:13

Ko na teirake ni kaota nanoangaan Tion: B'a e a bo ana tai n akoaki; aio raoi taina.

Taian Areru 102:14

A kakawaki atiibuna iroura, ngaira aika am Toro; Ao a karika nanokawakira taraani bubun aontanona.

Taian Areru 122:7

E bia teimatoa te rau i nanon oon am kaawa ni kabaneia ao i nanon am bareti nako.

Taian Areru 48:13

Ti na noori oona aika matoatoa, Ao ni karoko n nonona; Ao kam a kona ni kaangai nakoia rooro aika na roko,

Taian Areru 48:3

E a tia te Atua ni kaotia b'a te nne ni kamanomano i nanon nonon te kaawa.

Taian Areru 78:69

E katea ana Tembora ikekei n ai aroni mwengana i Karawa; E kamatoatoaa n ai aron aonnaba are E karaoia b'a e na nene ni matoatoa n aki toki.

Taian Areru 85:1

Te UEA, Ko ataataiaomata nakon abam; Ko a manga kaoka kab'aian Iteraera.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 29:11

N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Ieremia 32:15

E a tia n taekinna te UEA ae Moan te M'aaka, ae Atuaia Iteraera, b'a a na manga kabooi taian auti, tawaana, nne n aroka ni kureebe man te aba aei.”

Ieremia 32:44

Ma a na roko boong, are a na kabanei iai aia tirewa aomata ni kabooi iai tawaana n taabo nako—i abaia kaain Beniamin, n te aono are i rarikin Ierutarem ao kaawan nako Iuta, ao n te aba are e tabukibuki, ao n aaba ake a rinano ake i maeao, ao n Rereua ake i Maiaki. A na riki taani kaboob'ai ma taani kaboonako b'aai ao taani kakoaua b'a ngaia aika a na tiainaa ao ni kanikinaea te beeb'a i bukin kaboonakoan te tawaana, i bukina ngkai N nang kaoka te aba aei nako ia Au aomata. Bon aei Au taeka Ngai ae te UEA.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:7

N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Ieremia 46:27

Iteraera, Ane a na roko boong are N na kaokingkami iai nakoni mwengami mai abaia ianena. Ane kam na maeka ma te rau ngkami ma ami kariki ao akea te b'ai ae kam na maaku iai.

Ieremia 49:39

Ma I berita b'a n te tai teuana are N na uotiia ami aomata n okira abaia.

Ieremia 49:6

Ma e ngae n anne, ao a na roko boong ake n na uotiia iai au aomata nakon mwengaia. Bon aei au taeka Ngai ae te UEA.

Etekiera 36:11

A na bungiaki naati, ao a na bungi natiia naba maan. Ko na aki manga kiitanaki n arom ngkai, ma ko na onrake irouia aomata ao e na karaoaki ae e raoiroi nakoim nakon ake mai m'aaina. Ao ane ko na ataia iai b'a bon te UEA Ngai.

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 12:7

N na anga te tokanikai nakon Iuta, ma ngaia are, e na aki manga kakannato riki abanuean Tawita ma mimitongin te kaawa are Ierutarem ni kabane nakon Iuta n ti ngaia.

Tekaria 14:10

Mai Keeb'a rikaaki nako Rimmon