Ieremia 30:15 - Te B'aib'ara

¹⁵ Katoki ngurenguremi i bukin ikoakimi; bon akea b'ainaorakiami. N na katuaaingkami n aron aei i bukina ngke a m'aiti ami bure ao a rangi ni korakora ami buakaka.

Ieremia 30:15 ပူးပေါင်းရင်းမြစ်များ

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Iobi 34:6

Ao e taku, “N na kanga ni kewe n taekinna b'a I bure? I a kaani mate ma I bon tuai bure naba.”

Taian Areru 107:17

A karawaawataaki tem'angina i bukin nanobabaia: B'a a bure ao a bubuaka aroia.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Itaia 5:2

E kena te tano raoraou, e kanakoi taian atiibu, ao e uniki taian kureebe aika a rangi n raraoi. E karaoa te taua n taratara ao e kena te b'angab'anga n te tabo ae e ririb'a i bukin kamantan taiani kureebe. E kaantaningaia b'a a na rangi ni karewerewe, ma a bane n tii nako uaaia aika a maai.

Ieremia 11:13

ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 30:12

E taku te UEA: Au aomata, kam a ikoaki ao kam a kani mate.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 30:16

Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 46:11

Aikubita, bon akea te b'atin ae ko na konaa ni marurung iai, e aki konaa naba ni marurung n tangaurin te kun mai Kireata.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

B'aeb'aeti 1:5

A tokanikai aia kairiribai, a tauia i aan m'aakaia. E bon karawawataia te UEA i bukin aia bure; A tia n uotakinako ana ataei b'a taenikain te buaka.

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

B'aeb'aeti 3:39

Bukin tera ngkai ti aki toki ni ngurengure ngkana ti oreaki i bukin ara bure?

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Mika 1:9

Akea te b'ainaoraki i bukin ikoakin Tamaria, ao e nangi manga riki naba ae ai aron aei nakoim Iuta. E a roko te urub'ai ae e korakora ni mataroan Ierutarem are atuun kaawan te tautaeka irouia au aomata.”

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Naum 3:19

Akea katokan rawawatam, ao a aki kona ni kamaoaki ikoakim. Ake a ongo taekan uruam a na uboi baiia ni kukurei. B'a a bane aaba nako n rootaki n am m'akuri aika a buakaka.