Ieremia 3:9 - Te B'aib'ara

⁹ E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Ieremia 3:9 ပူးပေါင်းရင်းမြစ်များ

Itaia 57:3

Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Itaia 57:6

Kam a tia ni baaireia b'a kam na taromauri taian bouannanti aika a karaoaki n taian atiibu; Kam a tia n anganiia taian angab'ai ake te wain ao te uita. N na kukurei n anne?

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 2:7

I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Etekiera 16:17

Ko karaoa te bouannanti man taiani b'ai ni katamaroa aika taiani koora ma tirewa ake I anganiko, ao i mwiin anne, kam bure n taromauri taiani bouannanti aikai.

Etekiera 23:10

A buutii ana kunnikai, ao a raweia natina nako ao a tiringa neierei. A taetaekina Nei Oora aine n taabo nako i bukin te b'ai are e riki nakoina.

Etekiera 23:21

Ao e rangi n tangiri boong ngkoa ake e riki iai b'a ainen mataawa ngaia ngke e uarereke, are te tai are a rangi ni kan wene ni bure iai m'aane ma ngaia.

Etekiera 23:3

Ngke a uarereke ngke a maeka i Aikubita, a riki b'a ainen mataawa.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Ioera 1:19

I tangi ni weteiko te UEA. A kanaki taabo n uteute ao taiani buakonikai n te ang ae e kabuebue.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Mataio 5:32

Ma Ngai I taku nako imi, b'a ane kaki buuna, ngkana e tuai ni wene ni bure, ao e a karika neierei b'a te tia wene ni bure ngkana e a manga iein; ao te mm'aane are iein ma neiere kakiaki, ao e wene ni bure naba.