Ieremia 29:9 - Te B'aib'ara

⁹ A taetae ni kewe nako imi n arau. I bon aki nako ia. Bon aei Au taeka Ngai ae te UEA.

Ieremia 29:9 ပူးပေါင်းရင်းမြစ်များ

Ieremia 23:21

I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 27:14

A a tia n tuangngkami ami burabeti b'a akea manenan te ongotaeka i roun Nebukaneta, ma kam na aki ongo n aia kewe.

Ieremia 27:15

A taku burabeti aikai b'a a taetae i bukin te UEA, ma E bon aki kanako ia te UEA. A kewe! Ngkana kam karaoa ane a taku, ao kam na kaai n uaakinaki ma ngaia nakon te aba teuana ma n tiringaki. Bon anne Ana taeka te UEA.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Ieremia 29:31

nako ia kaain Iuta ake a uotaki nako B'aburon. I koreia i nanon te reta aei te b'ai are e taekinna te UEA: Bon te UEA Ngai ae I aki rinea Temaia b'a e na riki b'a temanna te burabeti, ao e kam'aneingkami ngke e keweingkami n arau.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.