Ieremia 29:8 - Te B'aib'ara

⁸ Bon te UEA Ngai ae Atuaia Iteraera, ae I kauringkami b'a kam na aki kam'aneaki irouia burabeti akana a maeka i buakomi ke naake te koraki ake a taku b'a a konaa n taetae ni burabeti i bukin boong aika a na roko. Kam na bon aki tabe ma miia.

Ieremia 29:8 ပူးပေါင်းရင်းမြစ်များ

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 23:21

I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 23:25

A taku burabeti aikai b'a I a tia n anganiia te mii ke te kaotioti, ao a taekina te kewe n arau.

Ieremia 23:27

A tataekina miia i bon irouia ao a kataia ni karikiia Au aomata b'a a na katinanikuai, n ai aroia aia bakatibu ngke a katinanikuai ma n taromauriia B'aara.

Ieremia 27:9

A na bon iai aomata i nanon abanueam aika a taku b'a a konaa n taekin kanoan boong aika a na roko ke n taetae ma maate ke taiani mii ke rongorongo mairouia anti. Ma kam na aki katabei nanomi irouia ngkana iai mairouia ae e tuangkami b'a kam na aki ongotaeka i roun Nebukaneta.

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 29:1

Ao I korea te reta nako ia ibonga, burabeti, taani kairiiri irouia aomata, ao nako ia ni kabane ake a uotaki nako b'a taenikai i roun Nebukaneta mai Ierutarem nako B'aburon.

Ieremia 29:15

Kam taku b'a kam mano i bukina ngke kam taku b'a I kanako ia taiani burabeti b'a a na taetae i buku i B'aburon.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Ieremia 37:9

Ko na aki kananobabako n iangoia b'a a na manga oki nako naba kaain B'aburon n aroia are rimoa.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

Etekiera 13:6

A taekina te kewe burabeti aikai ngke a taku b'a a taetae i buku, ma I bon tuai rineia b'a au burabeti. A taku b'a e na koro bukin aia taeka.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

Ruka 6:26

A na reke kaimi, ngkana a bane aomata ni kamoamoaingkami, b'a a karaoa naba aron aei aia bakatibu nakoia burabeti ni kewe.

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.