Ieremia 29:32 - Te B'aib'ara

³² E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Ieremia 29:32 ပူးပေါင်းရင်းမြစ်များ

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 14:20

Ko na aki taunaki ma taiani uea: ko urua abam ao ko tiringiia am aomata. Bon te mannikaakang ngkoe ae e buakaka! Ti kaantaningaia b'a a na m'anuokinaki taekaia am utu n aki toki.

Itaia 14:22

E a tia te UEA ae moan te M'aaka ni berita b'a e na buakaniia kaain B'aburon ao e na tiringiia aomata ake ikekei ni kabane, ma ngaia are, bon akea temanna mai buakoia ae e na manga ururingaki.

Ieremia 17:6

A na m'autakataka kaanga te aroka ae e mena n te rereua ae e taoro tanona, ike akea te b'ai ae e konaa ni maiu iai.

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 22:30

Kamaunaa araia natin nako Ieoiakin man te utu n uea. E a aki tau, ao akea naba temanna ae e na manga uea. Bon aio au taeka Ngai te UEA.

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

Ieremia 29:24

E tuangai te UEA ae Moan te M'aaka, ae Atuaia Iteraera te b'ai are e na riki nakon Temaia, are bon ngaia temanna mai buakoia ara aomata i B'aburon.

Ieremia 30:1

E taku te UEA ae Atuaia Iteraera

Ieremia 35:19

ma ngaia are, I berita b'a a na riki ami kaainga b'a Au tia m'akuri ao a na bon aki mauna nako.

Ieremia 36:31

Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Te Tua-Kaua 13:5

i bukina b'a E kamaiungkami ngkoa man te toronaki i Aikubita. Ngkana e tuangngkami te burabeti b'a kam na aki ongotaeka nakon te UEA ae Atuami ma ni katokaa taromauriana, ao kam na ataia b'a e buakaka te burabeti anne, ao e na riai n tiringaki.