Ieremia 29:22 - Te B'aib'ara

²² Ngkana a tangiria ni kamaraiaa temanna aomata ake a uotaki nako b'a taenikai mai Ierutarem nako B'aburon a na taekina ae e kaangai, “Ke e karaoa nakoim te UEA aron are E karaoia naba ngkoa nakon Tetekia ma Aaba, ake e kabuekiia uean B'aburon ngke a bon taratara mataia!”

Ieremia 29:22 ပူးပေါင်းရင်းမြစ်များ

Karikani B'aai 48:20

Ao e kakab'aiaia n te bong arei, ao e taku, “A na atoatongaki arami i rouia aomatan Iteraera ngkana a kakab'aiaa temanna. A na kaangai, E bia karikingkami te Atua kaanga Eberaim ma Manate.” Ao e karimoaa Eberaim Iakob'a i m'aain Manate.

Taian Areru 102:8

A taetae n iowawa nako iu taan ribaai ni katoa bong; A kamanena arau b'a aia taeka ni karereanti.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Taniera 3:21

Ma ngaia are, a kabaeia naba ma b'aiia ake i aoia, aia kabaraaki ma niiniiraia, ma b'araia, ao b'aai ni kabane, ao a karenakoia nako nanon te ai are e ura m'aaka.

Taniera 3:6

Ao ane e aki bobaraaki n taromauri, ao e na anaaki naba n te tai anne n teweakinako nako nanon te ai ae e uram'aaka.”

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

Ruuta 4:11

Ao a taku taani kairiiri ma ake a roko, “Eng, bon taani kakoaua ngaira, ke E karika buum te Uea, b'a kanga ai aron Rakera ma Reea, ake a kariki natin Iakob'a aika a bati. Ke e reke arom ae riai i Eberata, ao kakannatom i Betereem.