Ieremia 29:17 - Te B'aib'ara

¹⁷ E taku te UEA ae Moan te M'aaka, ‘N na karokoa te buaka, te baki, ao te aoraki i aoia, ao N na karaoia kaanga te biiku aika a rangi ni mori n te aro are a aki konaa ni kanaki.

Ieremia 29:17 ပူးပေါင်းရင်းမြစ်များ

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 43:11

E na tiringiia aomatan Aikubita aika a m'aiti; ao tabeman a na mate n te aoraki ke a na uotaki nako b'a taenikai.

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

Ruka 21:11

Ane e na roko m'aiein te aba ae korakora, ao a na roko roongo ma aoraki aika kamamate n taabo tabeua; ao ane a na roko baika kakamaaku ma kanikina aika ab'ab'aki mai karawa.

Ruka 21:23

A kawa ake a bikoukou, ao ake a kamammaia natiia ni boong akekei! B'a ane e na bati te kananoanga i aon te aba, ao te un i aoia kaain te aba aei;

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.