Ieremia 29:11 - Te B'aib'ara

¹¹ N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

Ieremia 29:11 ပူးပေါင်းရင်းမြစ်များ

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Taian Areru 33:11

Ma a teimatoa n aki toki ana baire, Ao a aki kona ni bibitaki.

Taian Areru 40:5

Te UEA ae Atuara, a bati am M'akuri aika kamimii aika Ko karaoi i bukira: bon akea n ai arom! A bati am Iango aika kamimii i bukira; I aki konai n taekin ni kabane: A m'aiti riki nakon aika konaaki ni warekaki!

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 24:5

Kaain Iuta, biiku ake a raoiroi e tei i bukiia tabeman maibuakomi ake I kanako ia nakon te taenikai nako B'aburon,

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

B'aeb'aeti 3:26

Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.

Etekiera 11:16

Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mika 4:12

Ma a aki ataa nanon te UEA te botannaomata aei. A aki ataia ae a bootaki b'a a na bane n oreaki n ai aroia taian uita aika a bootaki, b'a a na oreaki ni kaakaki kuniia.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”