Ieremia 27:5 - Te B'aib'ara

⁵ ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 27:5 ပူးပေါင်းရင်းမြစ်များ

Karikani B'aai 1:25

Ma ngaia are, E karaoia ni kabane te Atua, ao E nooria b'a e raoiroi.

Karikani B'aai 9:6

A karikaki aomata b'a katotongan te Atua, ma ngaia are, ane tiringa te aomata temanna, ao e na manga tiringaki i roun te aomata temanna.

1.Uea 8:42

b'a ane a na ongo aram ma m'aakan baim aomata, ao ane a na tataro nakon am Tembora.

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Neemia 9:22

Ko anganiia te konaa ni kataenikaiia uea ma n anai abaia, n reitaki ma uean Etibon are Taion ao uean Batian are Oka

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 96:5

Bouananti antiia botannaomata nako, ma E karika karawa te UEA.

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Ieremia 27:4

Ma ngaia are, ko na tuangiia b'a a na tuangiia aia uea Au taeka ae e kaangai: Bon te UEA Ngai ae Moan te M'aaka ae Atuaia Iteraera,

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 51:15

E kamanenaa wanawanana te Atua ao m'aakana ni karika te aonnaba ao n taakin taiani karawa.

Taniera 2:38

E a tia ni karikiko b'a te tia tautaeka n taabo nako aika iai kaaina n te aonnaba, ao te tia tautaeka i aoia man aika kawakawa ma mannikiba. Boni ngkoe te atu are te koora.

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.

Te Tua-Kaua 2:19

nako Ammon. Ma kam na aki buakaniia kaain Ammon. I anganiia abaia, ao bon akea teutana ae N na anga nakoia Iteraera.”

Te Tua-Kaua 2:21

Te baronga ae te Tamtummim boni te baronga ae a korakora kaanga taian Anakim. Ma E buokiia kaain Ammon te UEA, ao a tiringiia kaain te baronga are tamtummim aika m'aiti, ao a kairoroia nikiraia b'a a na nako. Ao i mwiina, a tekateka kaain Ammon ikekei.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Te Tua-Kaua 2:9

E taku te UEA nako iu, ‘Ko na aki kataia ni buakaniia kaain Moaaba. Tai kumeia, b'a I a tia n anganiia te aba are arana Are nakoia, ao N na bon aki anganingkami teutana mai iai.’ ”

Te Tua-Kaua 32:8

b'a E anga te aba te UEA ae Moan te M'aaka nakoia botannaomata ni kabane ao E anga nako ia botannaomata anera n tatabemaniia nako ake a tia n tantani,

Te Tua-Kaua 4:17

maan, ke mannikiba,

Te Tua-Kaua 4:25

Ao ane kam na waekoa n ri nanon te Karaanga are te Ioretan ma n tekateka n te aba. Ao n ririki aika na roko, ao a na riki natimi, ao a na manga karikiia tibumi. Ao i mwiin ririki aika bati, ao ane kam na m'aninganako, ao kam na karaoi bouananti, e ngae ngke E ribaai te UEA ae Atuami. Ma ngaia are, I anganingkami te kauring n te bong aei, ao I wetea te aonnaba ma karawa b'a taani kakoaua. Ngkana kam karaoa te bouananti, ao E na un te UEA, ao a na aki ananau maiumi, i bukina b'a E na tiringingkami.

Te Tua-Kaua 4:32

Kam bon noora aron te UEA ae Atuami ni buaka i bukimi ma ni kaota m'aakana ae korakora, ma ni karaoi taiani kakai aika ab'ab'aki ma ni kakamaaku ngke E kaotinakoingkami mai Aikubita. Kam a riki b'a A na aomata, ao kam ongo b'anaana ngke E taetae nakoimi mai buakon te ai man te Maunga are Tinai. Ao kam boni maiu naba. E a tia n riki te aekaki aei man te tai are E karika iai te aomata te UEA ni karokoa te tai aei? E ngae ngkana kam nakea, ke kam titirakina antai, ma kam na bon karekea naba te kaeka ae ti te bo. Bon akea te atua ae a tia n ongo te aba taekana b'a e kataia ni karaoi b'aai aika ai aron are a tia te UEA ae Atuami ni karaoi.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Tua-Kaua 5:16

Karineia tamami ma tinami, ao e na ananau ma n tetekeraoi maiumi n te aba are I anganingkami.

Te Tua-Kaua 9:29

Ma Ngkoe ara UEA, ko rineia Iteraera b'a am Aomata ni koaua, ao Ko kamaiuia ni baim ae m'aaka mai Aikubita.

I-Korote 1:16

B'a a karikaki b'aai ni kabane mai Rouna, ake i karawa ma ake i aon te aba ake a noraki ma ake aki noraki, ma baika iai m'akaia ma aroia n tautaeka; a bane ni karikaki mai Rouna, ao i bukina.

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”