Ieremia 27:12 - Te B'aib'ara

¹² I mwiin taetaeu nako ia mataniwiin abanuea ake i rarikira, ao I a nakon te uea are Tetekia ma n tuangnga te b'ai naba arei. Ao i mwiina, I taku: Tetekia, ngkana kam tangiria ni maiu ngkoe ma kaain Iuta, ao kam riai n ongotaeka nakon Nebukaneta ao kaain B'aburon.

Ieremia 27:12 ပူးပေါင်းရင်းမြစ်များ

Taeka n Rabakau 1:33

Ma ngkana kam ongo irou, ao kam na bon mano man taiani kabuanib'ai aika a kakamaaku.”

Ieremia 17:4

E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 28:1

Rimwi riki n te ririki naba anne, n te kanimaua n nam'akaina n ana kaaua n ririki n uea Tetekia, ao e roko nako iu n te Tembora Anania are natin Atura te mm'aane are mai Kibeon. Ao e tuangai ana taeka te UEA

Ieremia 28:2

i mataia ibonga ma tabeman riki ake a ongora ao e taku: Bon te UEA Ngai ae Moan te M'aaka ae Atuaia Iteraera, ao N na urua te amo ae mena i roroaia botannaomata nako are e karikiia b'a tooro.

Ieremia 38:17

Ao i mwiina, I tuangnga ana taeka te UEA ae e kaangai: “Tetekia, bon te UEA Ngai ae Moan te M'aaka ae Atuaia Iteraera. I berita b'a ngkana ko taenikai irouia ana aobitia Nebukaneta, ao a na aki tiringaki am utu, ao e na aki kabuokaki ni kab'akaaki Ierutarem.

Ieremia 42:11

Kam na aki maaka Uean B'aburon. N na kamanoingkami mai rouna,