Ieremia 25:6 - Te B'aib'ara

⁶ I aki tangiria ni kaikoakingkami. Ma ngaia are, kam na aki kaunai n taromauriia bouannanti ao anti tabem'aang.

Ieremia 25:6 ပူးပေါင်းရင်းမြစ်များ

1.Uea 14:22

A aki ongotaeka iroun te UEA kaain Iuta ao a kaunna riki nakon are a tia ni karaoia aia bakatibu.

2.Uea 17:35

N te tai arei ngke E a tia te UEA ni karaoa ana Boraraoi ae e matoa ma ana Aomata ake Iteraera, ao E taku nakoia: Kam na aki taromauriia anti tabem'aang. Kam na aki bobaraaki nakoia ke n angakarea nakoia.

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 20:3

Tai manga taromauria te atua riki temanna b'a ti Ngai.

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 44:7

Ao e aera ngkai kam kamatoa naba ni manga uaa koron te kaanganga riki teuana? Te kabuanib'ai are e na aki ti uruaningkami, ma e na uruani naba natimi ao ami ataei aika a uarereke.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Otea 1:7

Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

Te Tua-Kaua 28:14

Ma kam na aki kaaki taekan taian tua ma reirei aikai ke n taromauriia anti riki tabeman.

Te Tua-Kaua 6:14

Tai karaoi b'aai aika rekereke ma atua ake a taromauriaki irouia botannaomata akana i rarikimi.

Te Tua-Kaua 8:19

Ma I kauringngkami—b'a ngkana kam m'aninga taekan ami UEA ae Atuami, ao kam a manga taromauriia atua tabeman, ao E na tiringingkami te UEA, n aron tiringaia botannaomata ake kam buakaniia.

Iotua 24:20

Ao E na bon karekea kaimi ngkana kam a manga onimakiniia anti ianena. E na tiringngkami e ngae ngkana E a tia ni karaoa ae raoiroi nakoimi mai m'aaina.”