Ieremia 25:38 - Te B'aib'ara

³⁸ E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

Ieremia 25:38 ပူးပေါင်းရင်းမြစ်များ

Taian Areru 76:2

E mena mwengana i Ierutarem; E maeka i aon te maunga are Tion.

Ieremia 12:10

E a urubekebeke abau ae moan te tamaroa kaanga te tawaana ke te nne n aroka ni kureebe ae e kamanatuaaki irouia te nanai n tiibu ma ni kaboraaki aona irouia te nanai ni kao.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 25:11

E na akea kaain te aba aei kaanga te rereua ae akea kaaina, i bukina b'a N na karaoingkami b'a toro i roun uean B'aburon i nanon 70 te ririki.

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:16

Bon akea riki temanna ae e tiku i B'aburon n ununiki ke taia uan taian tawaana. Taiani iruwa naba ake a maeka ngkoa ikekei a tia n okiri oin abaia nako, a maakuia aia taanga ni buaka kairiribai.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Amota 8:8

Ao e na m'aeiei aonnaba, ao a na bane aomatan Iteraera n taonaki n te rawawata. E na ruru aonteaba, e na iabutirake ma ni manga ora nako n ai aron te karaanga are te Naire.

Tekaria 2:3

Ao e a tia n nako te anera are e kataetaeai, ngke e a manga roko te anera temanna nakoina