Ieremia 25:32 - Te B'aib'ara

³² E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Ieremia 25:32 ပူးပေါင်းရင်းမြစ်များ

2.Rongorongo 15:6

A bon itiritiri botannaomata i bon irouia, ao a ikamaamate te kaawa teuana nakon te kaawa teuana, i bukina b'a E bon kariki taian kangaanga ma kiriwe te Atua n taabo ni kabane.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 5:28

A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 23:19

A a buakaka! Ma ngaia are N na oreia n unu n ai aron te angibuaka ae e korakora.

Ieremia 30:23

I rangi n un! N na riki kaanga te angibuaka ae e korakora n oroia aika a karaoa te kaairua.

Ieremia 6:22

E taku te UEA, “Taratara nako nako iang, nakon te tabo are e mena iai te botannaomata ae e korakora are e katauraoi nakon te buaka.

Ieremia 6:23

A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Ruka 21:10

Ao E a manga taku nako ia, Ane e na tei rake te botannaomata teuana n eeka nako te botannaomata teuana, ao te tautaeka teuana n eeka nako te tautaeka teuana.

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.