Ieremia 25:31 - Te B'aib'ara

³¹ E na ongo te aba b'anaau man taabo nako i aon te aonnaba, ngkana I bukiniia botannaomata n aia kaairua ma ni motika taekan te tia bure nakon te mate.

Ieremia 25:31 ပူးပေါင်းရင်းမြစ်များ

Itaia 33:3

A uamaaenako botannaomata ngkana ko bekorara ao ko kaota kakannatom.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 34:8

E a tia te UEA ni katea te ririki ma te bong, are e na irantaanga iai ao n roko i Tion i bukin kamanoana.

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Ieremia 2:35

Kam taku b'a akea ami bure, ao kam tangiria b'a N na aki un iroumi. Ma ngaia are, N na kateingkami n te kabowi, ao ti a nooria b'a antai ae e eti.

Ieremia 23:19

A a buakaka! Ma ngaia are N na oreia n unu n ai aron te angibuaka ae e korakora.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Etekiera 38:22

N na oroiko n te aoraki ao N na katuaaeko n te mate. Ko na katobibiaki ma am taanga ni buaka ni buakan karawa ma te karau, te karau te aiti, ao te burimton ae e ura.

Otea 12:2

E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Ioera 3:2

N na manga ikotiia botannaomata ake a kamaaenakoia au Aomata n taabo nako n te aonnaba n te M'arua are Motikitaeka A na tib'a abau

Mika 6:2

Ngkami aika maunga, aika bouan te aonnaba ma ngkoa, ongora nakon Ana kauntaeka te UEA! Iai Ana kauntaeka te UEA i marenana ma Ana aomata aika Iteraera are E na tabekaarake taekana.