Ieremia 25:29 - Te B'aib'ara

²⁹ Ni moa man oin Au kaawa ae Ierutarem, a na bane aomata nako ni karawawataaki n te buaka. Ma ngaia are, bon akea te kawai ae kam na konaa iai biri nako man te kabuanib'ai.”

Ieremia 25:29 ပူးပေါင်းရင်းမြစ်များ

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

Taeka n Rabakau 11:21

Kam boni konaa ni kakoauaa aei: A bane ni katuaaeaki aomata aika kewetaia, ma a aki katuaaeaki ana aomata te Atua.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Ieremia 13:13

Ao i mwiina, e taku nako ia: Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ieremia 49:12

Ao a na mooi naba ni m'angkon uniu botannaomata aika a aki riai ni katuaaeaki. Ao tera riki ami anga ni biri nako?

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 38:21

N na kariaia maungan Iteraera b'a a na kaaitarako. A na rangi ni maaku am taanga ni buaka n te aro ae a na manga bon buaka i bon irouia.

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Ob'aria 1:16

A tia ni mooi au Aomata ni m'angkon oreia ae kamangingi i aon Au tabuki are e tabu Ma botannaomata aika katobibira ana bane ni mooi n te mooi ae maai ae m'angkon te katuaaeaki; ana mooi ni kabanea n akea nikirana.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Ruka 23:31

B'a ngkana a karaoi baikai nako Iu, Ngai ae kanga kabotauan te kai ae maiu, ao tera ae na riki nako imi, ngkami ae kanga kabotauan te kai ae m'au?

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?