Ieremia 25:28 - Te B'aib'ara

²⁸ E tuangai te UEA b'a ngkana iai mai buakoia ae e rawa ni mooi man te m'angko aei, ao N na tuangiia Ana taeka ae e kaangai, “Bon te UEA Ngai ae moan te M'aaka ae I tuangkami b'a kam na mooi.

Ieremia 25:28 ပူးပေါင်းရင်းမြစ်များ

Iobi 34:33

Ko tiriburei baika E karaoi te Atua, ao ko iangoia b'a E na karaoa te b'ai ae ko tangiria? E mena te baaire i roum ao tiaki i Rou; tuangiira ngkai te b'ai ae ko iangoia.

Ieremia 25:17

Ao I anaa te m'angko arei mai bain te UEA, ao nako ia uean botannaomata ao I kamooia n tatabemaniia nako kaka teutana.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 49:12

Ao a na mooi naba ni m'angkon uniu botannaomata aika a aki riai ni katuaaeaki. Ao tera riki ami anga ni biri nako?

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Ob'aria 1:16

A tia ni mooi au Aomata ni m'angkon oreia ae kamangingi i aon Au tabuki are e tabu Ma botannaomata aika katobibira ana bane ni mooi n te mooi ae maai ae m'angkon te katuaaeaki; ana mooi ni kabanea n akea nikirana.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;