Ieremia 25:13 - Te B'aib'ara

¹³ E a tia Au toro are Ieremia n tuangkami te b'ai are N na karaoia nakon B'aburon ao nako ia botannaomata ake tabeua, ao e koroi ni kabane taekaia n te boki. N na karaoi b'aai ni kabane ake I a tia n taekini b'a N na karawaawataingkami iai.

Ieremia 25:13 ပူးပေါင်းရင်းမြစ်များ

Itaia 55:11

Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

Ieremia 1:10

ao I kanakoko ma te m'aaka ae tab'anin raoi n taetae nako ia botannaomata i buku. Ko na taekinna nako ia kabuanib'aia ao uruaia, ao manga teirakeia ao te manga kateitei.”

Ieremia 1:5

“Ieremia, bon Ngai am Tia Karikib'ai, I a kaman rineiko b'a ko na taetae ibuku nako ia taian botannaomata i m'aain bungiakim.”

Ieremia 30:2

nako iu: “Ko na koroi ni kabane i aon te boki b'aai ni kabane aika I tuangko,

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Ieremia 36:29

Ao i mwiina, e tuangai b'a N na taetae ni kaangai nakon te uea are Ieoiakim: Ko aki ti kabuoka ana niira ni boki Ieremia, ma iai naba iroum te kan ataia b'a e aera ngkai e koreaki b'a e na roko uean B'aburon ni buakana ma n urua te aba, tiringiia aomata ni kabane ao ai uana naba ma taiani man.

Ieremia 36:4

I kanaanako weteakin B'aruka are natin Neria te mm'aane ao I butiia b'a e na buokai. I a manga taekin nakoina b'aai ni kabane ake E a tia n tuangai te UEA, ao e koroi B'aruka ni kabane i aon te niira ni boki.

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Taniera 5:31

ao e anganaki Taraiati are kaain Miria are ai 62 ana ririki ni maiu b'a te tia onomwi n ueana.

Te Kaotioti 10:11

Ao I tuangaki ae kaangai, “E riai b'a ko na manga taetae ni burabeti i bukiia natanaomata ma botannaomata ma aomata nako aika a kakaokoro aia taetae, ao i bukiia naba uea aika bati.”