Ieremia 25:10 - Te B'aib'ara

¹⁰ N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 25:10 ပူးပေါင်းရင်းမြစ်များ

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 7:4

I a tia ni kabooaki nako ma au aomata b'a ti na tiringaki. Ngke tao arona b'a ti kabooaki nako b'a ti na toronaki, ao N na bon aki karongoaa, ao N na bon aki katabetabeko iai. Ma ngkai i aoni kawaira n tiringaki.

Etita 8:11

Ao a kab'arab'araaki n taian reta aikai b'a te uea e kariaia I-Iutaia b'a a na bootia ma ni buaka i bon i bukiia ni kaawa nako. Ngkana iai aomata man aaba nako man taiani burawinti aika a buakaniia m'anen Iutaia, ke ataeina, ke te naan aine, ao a konaa I-Iutaia ni kaaitaraia; a konaa n tiringiia ni kabaneia ma n anai aia b'ai ni kabane.

Itaia 47:2

Moana kamantan te uita! Kanakoa rabunan matam. Buuti kunnikaim aika a tamaroa ao ri aon te karaanga.

Ieremia 16:9

Kauringiia kaain Iuta b'a N na katoki aia bootaki ni kukurei ma aia botaki ni mare Ngai ae te UEA ae Moan te M'aaka.

Ieremia 48:33

A a nako boong ni bukamaru i bukin taian nne n aroka ma taabo n ununiki i Moaba. Bon akea riki manga te takaarua ni kukurei mairouia aomata aika taan karaoa te wain.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

B'aeb'aeti 5:15

Akea te kukurei ni maiura; e a onea mwiin ara ruruoia te nanokawaki.

Etekiera 26:13

Bon akea riki bukina b'a kam na anene ke ni katangitang n taian aabi,

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.