Ieremia 24:10 - Te B'aib'ara

¹⁰ A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 24:10 ပူးပေါင်းရင်းမြစ်များ

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

Itaia 51:19

Ko a tia n uruaki n te buaka ao te rongo; I a aki konaa n anganiko karauan nanom.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 15:2

Ao i mwiina, a na titiraki b'a a na kanakoaki nakea, ao tuangiia Au taeka Ngai ae te UEA ae e kaangai: Tabeman maibuakomi a na mate n te aoraki ae e kamaamate. Ao tabeman, a na mate n te buaka ke n te baki. Ao nikiraia ana uotaki nako abaia ianena.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 29:17

E taku te UEA ae Moan te M'aaka, ‘N na karokoa te buaka, te baki, ao te aoraki i aoia, ao N na karaoia kaanga te biiku aika a rangi ni mori n te aro are a aki konaa ni kanaki.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 32:25

Ma ngaia are, Ko aera ngkai Ko tuangai b'a N na karekeia taani kakoaua ma ni kabooa te tawaana n au tirewa, ao ngaia bon i aon kawaina n tauaki irouia kaain B'aburon?

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 42:17

A na bane ni mate n te buaka ke te baki ke te aoraki koraki akana a iangoa te nako Aikubita ni maeka iai. Bon akea nikiraia ae e na tiku ni maiu, ao akea naba ae e na reke birinakona man te kabuanib'ai are N nang karokoa i aoia.’

Ieremia 42:22

Ma ngaia ae, kam na mate i Aikubita n te buaka, te baki, ke te aoraki.

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 9:15

Ma ngaia are, I berita Ngai ae te UEA ae Moan te M'aaka, ae Atuaia Iteraera, b'a N na kaboitiniia ni kaam'arakeia ma ni kamooia.

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

Etekiera 33:27

Ngkai bon te UEA Ngai ae e maiu ae te Atua, ao kam na bane ni mate ngkami akana kam maeka ni kaawa aika a uruaki. Ngkami akana kam maeka i tinanikun te kaawa kam na kanaki irouia maan aika a aki manana, ao akana a karabaia i nanon taian nangananga ao taabo aika a katati kam na mate n te aoraki ae e kamaamate.

Etekiera 6:11

Ao E a manga taku te UEA: Etekiera, kaaioroi am timoi ao kabukibuki waem i bukin korakain nanom! Ko na tang n nanokawaki, i bukina ngkai a tia Iteraera ni karaoi m'akuri aika a rangi n ribaaki ao ngkai a nang tiringaki irouia te taanga ni buaka, ke ni mate man te baki ao te aoraki.

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.

Te Tua-Kaua 28:21

E na kanakoa te aoraki ae kamaamate te UEA nakoimi n oroi ngkami, ao e na aki manga reke marurungimi.

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.