Ieremia 23:8 - Te B'aib'ara

⁸ Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 23:8 ပူးပေါင်းရင်းမြစ်များ

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Ieremia 16:14

E na roko te tai are kam na manga taromauriai iai. Ma kam na aki manga aranai b'a te Atua ae E Maiu are e kamaiuia Iteraera mai Aikubita.

Ieremia 16:15

Ma n onea mwiin anne, kam na aranai b'a te Atua ae E Maiu are e kamaiungkami mai meang ao man aaba tabeua ake I kairoroingkami iai b'a kam na nako. N te bong teuana N na manga kaokingkami nakon te aba aei are I anganiia ami bakatibu.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 31:8

Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Ieremia 8:3

Iai i buakomi kaain Iuta aika a na tiku ni maiu, ma N na kairoroingkami b'a kam na nako abaia ianena, ao ane kam na tangiria riki ni mate. Bon aei au taeka Ngai ae te UEA.

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.

Etekiera 34:13

ma ni kaokiia man aia botannaomata ianena ake a maeka iai. N na riki b'a aia tia kawakin tiibu ao N na kaam'arakeia i aon aia maunga nako Iteraera ao i nanon taiani m'arua ao taawana aika a maiu reirei.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Etekiera 39:28

A na ataia Au aomata b'a bon Ngai ae te UEA ae Atuaia ae I kanakoia b'a taenikai ao ngkai N nang kaokiia rikaaki nako oin abaia.

Ioera 3:7

Ma N na karekea nanoia kaain Iuta b'a a na iangoa okiran mwengaia, ao te b'ai are e riki nakoia e na manga riki nakoim.

Mika 7:15

Karaoi kakai nakoira te UEA, n ai aron are Ko kakaraoi ni boong ake Ko kaotinakoira iai mai Aikubita.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.