Ieremia 23:31 - Te B'aib'ara

³¹ Ao I kaaitaraia burabeti naba aikai aika a taekin oin taeka ao a taku b'a aongkoa taeka mairou.

Ieremia 23:31 ပူးပေါင်းရင်းမြစ်များ

1.Uea 22:11

Ao Tetekia are natin Kenaana are temanna mai buakoia burabeti, e karaoa te koro man te biti, ao e takaarua ni kaangai, “Aaba, E taku te UEA b'a ko na buakaniia kaain Turia n aron te kaom'aane ma korona aika biiti mani kamaunai mataia.”

2.Rongorongo 18:5

Ao e kawaekoaia abubua taiani burabeti te uea are Aaba ao e titirakiniia ni kaangai, “E riai b'a n na buakana te kaawa are e buubura are Ramota?” Ao e taku te burabeti, “Eng! E na buokiko te UEA n taua te kaawa anne.”

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 23:30

I bon kaaitaraia burabeti akanne akana a anai aia taeka i bon irouia ao a katanoatai b'a aongkoa Au rongorongo.

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 28:17

E mate Anania n te kaitiua n nam'akaina ni bon te ririki naba arei.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Te Tua-Kaua 18:20

Ma ngkana arona b'a I tuai taetae, ao e a manga taetae te burabeti ma ni bukinna b'a aongkoa Au rongorongo, ao kam na riai n tiringa te burabeti anne, ao te burabeti naba ae taku b'a e taekina ana rongorongo te atua temanna.