Ieremia 23:24 - Te B'aib'ara

²⁴ i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Ieremia 23:24 ပူးပေါင်းရင်းမြစ်များ

Karikani B'aai 16:13

Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.”

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

2.Rongorongo 2:6

Bon akea temanna ae e konaa ni karaoa te Tembora ae e tau buburana i bukin te Atua, a rangi ni uarereke naba taiani karawa b'a nnena ni maeka! Ti te b'ai ae I konaa ni karaoia bon ti te tabo are ti na konaa n anga taiani karea iai nako ina.

2.Rongorongo 6:18

E bon aki tau buuburan karawa i bukim, te UEA ae te Atua. Ao ko nang kangaa riki ni maeka n te aonnaba n te Tembora ae I a tia ni karaoia aei?

Iobi 34:21

E nooria aomata n taabo nako ike a nako iai.

Iobi 34:22

Bon akea te rotongitong ae kona ni karaba te tia bure mai roun te Atua.

Taian Areru 10:11

E taku n ana iango, “E matakii te Atua! E aki kona n noorai.”

Taian Areru 139:7

N na nakea mairoun Tamneim? N na biri nakea mai matam?

Taian Areru 139:8

Ngkana tao I rierake nako karawa, ao bon are iai naba Ngkoe; Ngkana tao I karaoa nneu ni wene i nano n aia tabo maate, ao bon are iai naba Ngkoe.

Taian Areru 148:13

A na bane ni kamoamoa aran te UEA! E kakannato arana i aon aara nako; E m'aaka i aonnaba ma karawa.

Taian Areru 90:8

Ko aki ti norira ngke ti bure, ma Ko norira naba ngke ti kataia ni karabai ara bure mairoum.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Itaia 29:15

ko a bon reke n te kaangaanga, ngkana ko kataia ni karabai am babaaire mai roun te UEA! Ke ngkana ko taku b'a a na aki konaa n nooraki baika ko karaoi n te roo.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 16:17

I konaa n noori b'aai ni kabane aika kam karaoi, e ngae ngkana kam karabai ami bure mairou.

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Ieremia 49:10

Ma N na anai b'aai ni kabane aika kam b'ain, ngkami aika kaain Etom, ao n na kaoti taabo nako ike kam kaakarabai. Ao i mwiina, kam na mate, ao ai uana naba ma ami ataei, ami koraki ao kaain rarikimi nako.

Etekiera 8:12

E taku te Atua, Etekiera, ko na noori b'aai aika a kakamaaku aika a karabai ni karaoi taani kairiiri mai Iteraera? A kaona nanon te ruu n taiani bouannanti. Ao a taku b'a I aki konaa nooriia, i bukina b'a a taku b'a I a tia ni kiitana Iteraera.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

I-Ebeto 1:23

ao te ekaretia bon rab'atani Kristo, ao onrakeni Kristo bon kakororaoan aron b'aai ni kabane n taabo nako,

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.