Ieremia 23:10 - Te B'aib'ara

¹⁰ A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 23:10 ပူးပေါင်းရင်းမြစ်များ

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Itaia 24:6

E a b'akaraki te aonnaba n te maraia; a mate aomatana i bukin aia bure.

Itaia 5:18

Kam a reke n te kangaanga! Ti te bo te kewe are kam taetaekinna ma te roobu are kam kabaei man uaakin iai taiani bure ma te buakaka.

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 14:2

A tang Iuta ma Ierutarem ngke e a m'autakataka te aba.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:12

I taku nakon te UEA, “Bon akea mairoura ae e ataia b'a e aera ngkai e a riki te aba b'a te rereua ae e aki totouaki. Ko aki kab'arab'ara b'a tera bukina?”

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

Otea 7:4

A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Ioera 1:10

A tang taian tawaana aika akea arokana; a bue ma ni b'atakataka.

Nakoaia Ibonga 5:1

Aikai buure ake a tangira te Angab'ai I bukin te Bure. Ngkana iai ae e tangiraki b'a e na anga te kakoaua n te bowi, ao e aki anga te rongorongo n te b'ai are e nooria ke e ongo raoi, e na riai n okiria mwiina.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.